Lajme flash
Ambasada amerikane në Siri paralajmëron qytetarët: Rrezik i shtuar për sulme gjatë Fitër Bajramit
29 Mars 2025, 09:33 / BOTA
Ambasada amerikane në Siri ka paralajmëruar qytetarët e saj për një “mundësi të shtuar” të sulmeve gjatë festës që shënon fundin e muajit të shenjtë islamik të Ramazanit në ditët në vijim.
“Departamenti i Shtetit i paralajmëron qytetarët amerikanë për mundësinë e shtuar të sulmeve gjatë festës së Fitër Bajramit, të cilat mund të synojnë ambasadat, organizatat ndërkombëtare dhe institucionet publike siriane në Damask”, thuhet në një deklaratë të postuar në faqen e internetit të ambasadës të premten vonë.
"Metodat e sulmit mund të përfshijnë... sulmues individualë, persona të armatosur ose përdorimin e pajisjeve shpërthyese," shtoi ai.
Siguria në Siri mbetet e dobët pasi forcat e opozitës siriane të udhëhequra nga ekstremistët rrëzuan sundimtarin afatgjatë Bashar al-Assad në dhjetor, pas gati 14 viteve të luftës që shpërtheu me shtypjen brutal të protestave antiqeveritare më 2011.
Uashingtoni këshillon qytetarët e tij të mos udhëtojnë në Siri "për shkak të rreziqeve të rëndësishme të terrorizmit, trazirave civile, rrëmbimit, pengmarrjes, konfliktit të armatosur dhe ndalimit të padrejtë", thuhet në deklaratë.
Veprimet e ambasadës janë pezulluar që nga viti 2012.
Po ndodh...
Sondazhet dhe e vërteta!
Nga Alban Daci
ide
top
TRENDING 
shërbime
- POLICIA129
- POLICIA RRUGORE126
- URGJENCA112
- ZJARRFIKESJA128