English
Luaj me Fjalëkryq
Lajme flash

Eljan Kasa, kandidati i Koalicionit Euroatlantik: Mos e voto frikën, ndryshimi fillon nga ti!

3 Prill 2025, 20:17 / POLITIKË ALFA PRESS

Eljan Kasa, kandidati i Koalicionit Euroatlantik: Mos e voto frikën,

Në një thirrje publike për ndërgjegjësim qytetar, kandidati për deputet Eljan Kasa kërkon largimin e politikës së vjetër që sundon përmes varësisë dhe manipulimit.

“Në rrjetet sociale, të njëjtët njerëz që heshtin në rrugë, bëjnë ‘like’ pa vrarë mendjen për pushtetin”, shprehet ai. Sipas Kasës, “nëse një sistem të përbuz, ai nuk ka pse merr votën tënde”. Koha për ndryshim është tani.
#ShqipëriaMeritonMëShumë ✅Voto #4 – Koalicioni Euroatlantik

Postimi i plotë:

Zgjohu o njeri, një ditë e re po lind...
Dal në rrugë dhe shoh fytyra të lodhura, sy që shikojnë me pasiguri, njerëz që sillen sikur i përndjek hija e diçkaje të padukshme. Frika ka hyrë në mendjet e tyre. Jo një frikë natyrore, por diçka e ushqyer nga një sistem që i mban peng.
Në rrjetet sociale, të njëjtët njerëz që heshtin në rrugë, bëjnë “like” pa vrarë mendjen për pushtetin, paçka që me vete thonë "Në djall vafshi", dhe "Mos u fryfshi". Lexojnë gjithë kohës vetëm premtime boshe, por nuk kanë guximin të kërkojnë ndryshim. Një pjesë ngushëllohen me "qokën" duke përsëritur me vete shprehjen ngushëlluese "askush ska bërë asgjë për mua, të gjithë njëlloj janë".
Çfarë po ndodh? Është frika për një vend pune, për një legalizim që nuk vjen kurrë, për një kushëri që mund të pushohet nga puna.
Kjo është frika e një sistemi që sundon me gjoba, presion dhe varësi.
Kjo nuk është Shqipëria që meritojmë!
Kjo është një panoramë që e gjejmë në lagjet e varfra të Brazilit, Venezuelës apo Kamboxhias. Por Shqipëria nuk është asnjë prej tyre! Dhe mbi të gjitha, shqiptarët nuk janë skllevër të askujt! Për diçka duhet të biem dakort, aty ku ka frikë nuk ka opozitë. Dhe një popull pa opozitë është si anije me vela që i është këputur direku në mes të detit.
Po si e duroni këtë realitet kaq gjatë? A nuk është më e lehtë të ktheni dinjitetin tuaj, të jetoni pa frikë, ashtu si të afërmit tuaj në Perëndim? Zgjidhja është më e thjeshtë se sa duket: Mos votoni politikën e vjetër!
Kur sistemi që të shtyp të mban peng, të përbuz ai nuk ka përse merr më votën tënde, ai duhet të shembet. Ndryshimi ndodh më shpejt se sa mendon. Në vend që të ulni kokën dhe ti bindeni, ngrijeni atë me guxim. dhe hakmerru; Mos i voto, largoje me votë këtë politikë kanceroze e të kalbur 35 vjeçare. Se është e vërtetë shprehja; çdo popull meriton qeverinë që ka, por në rastin tonë Shqipëria meriton më shumë. Tani është momenti!

Po ndodh...

Dua të lexoj më shumë lajme

ide

top

receta Alfa

TRENDING

shërbime

  • POLICIA129
  • POLICIA RRUGORE126
  • URGJENCA112
  • ZJARRFIKESJA128