Lajme flash
Lufta në Iran ‘burim’ tensionesh/ Shtëpia e Bardhë e konfirmon: Trump do të marrë pjesë në samitin e G7 në Francë
20 Maj 2026, 08:40 / BOTA
Presidenti amerikan Donald Trump do të marrë pjesë në samitin e G7 në Francë, i cili do të mbahet nga 15 deri më 17 qershor, raportuan sot mediat botërore duke iu referuar deklaratës së zyrtarit të Shtëpisë së Bardhë.
Udhëheqësit e grupit të shtatë ekonomive më të zhvilluara, i cili përbëhet nga Gjermania, Kanadaja, Shtetet e Bashkuara të Amerikës, Franca, Italia, Japonia dhe Britania e Madhe, do të takohen në qytetin e Evianit, sipas BFM TV.
Atmosfera në samit pritet të jetë e tensionuar midis miliarderit republikan dhe disa krerëve të shteteve dhe qeverive, prania e të cilëve pritet në Francë dhe lufta në Iran është një burim tensionesh shtesë midis Trump dhe udhëheqësve të tjerë të G7.
Kjo edhe pasi presidenti amerikan i kritikon për mosmbështetjen e ofensivës ushtarake amerikane, ose për mospjesëmarrjen në rihapjen e Ngushticës së Hormuzit, shton televizioni francez.
Po ndodh...
Të shtunën molotov, të enjten pazar!
Nga Bato Kosova
ide
top
shërbime
- POLICIA129
- POLICIA RRUGORE126
- URGJENCA112
- ZJARRFIKESJA128