English
Luaj me Fjalëkryq
Lajme flash

Përse vdiqën Gene Hackman, gruaja dhe qeni i tyre? Policia bën zbulim tronditës

27 Shkurt 2025, 19:31 / BOTA ALFA PRESS

Përse vdiqën Gene Hackman, gruaja dhe qeni i tyre? Policia bën

Gene Hackman dhe bashkëshortja e tij u gjetën të vdekur – hetimet vazhdojnë

Aktori legjendar Gene Hackman, 95 vjeç, dhe bashkëshortja e tij, Betsy Arakawa, 64 vjeç, u gjetën të vdekur në shtëpinë e tyre në Santa Fe, New Mexico, SHBA.

Sipas autoriteteve lokale, trupat e Hackman dhe Arakawa u gjetën në banesën e tyre së bashku me qenin e tyre, i cili gjithashtu kishte ngordhur.

Policia ka deklaruar se nuk ka dyshime të menjëhershme për vrasje, por hetimet për shkaqet e vdekjes janë ende në vazhdim.

Sipas një urdhër-kërkimi të siguruar nga TMZ, një detektiv i Santa Fe që kërkoi urdhrin e kontrollit shkroi në deklaratën e tij se beson se “vdekja e dy personave të ndjerë është mjaftueshëm e dyshimtë në natyrë për të kërkuar një kontroll dhe hetim të plotë.”

Ai argumenton këtë dyshim duke përmendur se:

Dera kryesore e banesës u gjet e hapur dhe e pasiguruar,

Një qen i shëndetshëm po vraponte i lirë në pronë,

Një tjetër qen i shëndetshëm ndodhej pranë trupit të femrës së ndjerë,

Një qen tjetër u gjet i ngordhur, rreth 10-15 metra larg trupit të femrës, brenda një dollapi në banjë,

Ngrohësi ishte lëvizur nga vendi i tij,

Një shishe me pilula ishte e hapur dhe pilulat ishin të shpërndara pranë trupit të femrës,

Trupi i mashkullit të ndjerë ndodhej në një dhomë tjetër të banesës,

Nuk kishte shenja të dukshme të një rrjedhjeje gazi.

Këto gjetje e kanë bërë policinë të nisë një hetim të hollësishëm mbi rrethanat e vdekjes së tyre.

Familja beson se helmimi nga monoksidi i karbonit është fajtor. Vajza e aktorit legjendar, Elizabeth Jean Hackman, thotë për TMZ se nuk janë të sigurt, por ata mendojnë se shkaku mund të jetë nga tymrat toksikë.

Kompania e gazit dhe personeli i zjarrfikësve thanë se nuk kishte tym toksik që do të rrezikonte familjen.

Trupi i Hackman ishte në një dhomë të veçantë ku nuk kishte "asnjë shenjë të dukshme të një rrjedhje gazi". Hetimi zbuloi se ai kishte rënë papritur dhe kishte vdekur.

Trupi i dekompozuar i gruas së Gene Hackman, Betsy Arakawa, kishte shenja të ‘mumifikimit’ dhe fryrjes.

Punëtorët treguan se prej dy javësh nuk i kishin parë ata.

Zyra e Sherifit të Qarkut Santa Fe ka raportuar se po shqyrtohen të gjitha rrethanat e ngjarjes, përfshirë praninë e barnave apo ndonjë shenjë tjetër që mund të ndihmojë në përcaktimin e shkakut të vdekjes.

Gene Hackman ishte një nga aktorët më të mëdhenj të kinematografisë amerikane, i njohur për rolet e tij ikonike në filma si "The French Connection" dhe "Unforgiven", të cilat i siguruan atij dy çmime Oscar.

Karriera e tij e gjatë dhe e suksesshme e bëri një figurë të dashur në botën e filmit.

Në vitin 2004, Hackman vendosi të tërhiqej nga aktrimi për t’iu përkushtuar shkrimit të librave dhe aktiviteteve të tjera krijuese. Ai mbeti një personazh i respektuar në industrinë e filmit edhe pas daljes në pension.

Bashkëshortja e tij, Betsy Arakawa, ishte një pianiste klasike dhe një partnere besnike e Hackman për më shumë se 30 vjet. Çifti ishte i njohur për lidhjen e tyre të fortë dhe jetën e qetë larg syrit të publikut.

Lajmi për vdekjen e Hackman dhe Arakawa ka tronditur Hollywood-in dhe fansat e aktorit në mbarë botën. Figura të njohura të industrisë së filmit kanë shprehur ngushëllimet e tyre për ndarjen nga jeta të një prej aktorëve më të mëdhenj të epokës moderne.

Hetimet vazhdojnë për të zbardhur shkaqet e sakta të ngjarjes.

 

Po ndodh...

Dua të lexoj më shumë lajme

ide

top

receta Alfa

TRENDING

shërbime

  • POLICIA129
  • POLICIA RRUGORE126
  • URGJENCA112
  • ZJARRFIKESJA128