Lajme flash
Rritje të çmimit të kafes në 2025? Ja shtytësit kryesorë për ndryshim të kostos së pijes së preferuar
10 Dhjetor 2024, 17:33 / BOTA
Konsumatorët e kafes mund të shohin rritje të çmimit të pijes së preferuar në vitin 2025 sipas BBC.
Ditën e sotme, më 10 dhjetor 2024, çmimi për kokrrat e kafes Arabica të cilat përbëjnë pjesën më të madhe të prodhimit global, kaloi 3.44 dollarë për paund (0.45 kg), duke u rritur me më shumë se 80% këtë vit. Kostoja e kokrrave Robusta, ndërkohë, arriti një nivel të ri në shtator.
E gjithë kjo vjen pasi tregtarët e kafesë presin që të korrat të tkurren, për shkak se dy prodhuesit më të mëdhenj në botë, Brazili dhe Vietnami, u goditën nga moti i keq dhe kërkesa e kafes vijon të rritet.
Bazuar në këto, një ekspert i ekonomisë është shprehur për BBC se në vitin 2025 pritet të ketë një rritje të konsiderueshme të çmimit të kafes në botë.
“Markat si JDE Peet (pronari i markës Douwe Egberts), Nestlé dhe të gjitha këto, kanë marrë më parë goditjen nga çmimet më të larta të lëndëve të para për veten e tyre. Por tani ata janë pothuajse në një pikë kthese. Shumë prej tyre po mendojnë për një rritje çmimi në supermarkete në çerekun e parë të 2025.”, u shpreh Vinh Nguyem, CEO e Tuan Loc Commodities.
Në një event për investitorët në nëntor, një ekzekutiv i lartë i Nestlé tha se industria e kafesë po përballet me “kohë të vështira”, duke pranuar se kompania e tij do të duhet të rregullojë çmimet dhe madhësitë e paketimit.
“Ne nuk jemi të imunizuar ndaj çmimit të kafesë”, tha David Rennie, kreu i markave të kafesë në Nestlé.
Rekordi i fundit i lartë për kafe u vendos në vitin 1977 pasi reshjet e pazakonta të borës shkatërruan plantacione në Brazil.
“Shqetësimet për të korrat e vitit 2025 në Brazil janë shtytësi kryesor”, tha Ole Hansen, kreu i strategjisë së mallrave në Saxo Bank.
“Vendi përjetoi thatësirën e tij më të keqe në 70 vjet gjatë gushtit dhe shtatorit, të ndjekur nga shira të dendur në tetor, duke rritur frikën se rritja e bimës mund të dështojë.”, tha Hansen
Nuk janë vetëm plantacionet braziliane të kafesë, të cilat prodhojnë kryesisht kokrra Arabica, ato që janë dëmtuar nga moti i keq, por gjithashtu dhe ato robusta, plantacionet e së cilave janë tkurrur në Vietnam, pasi u përballën gjithashtu me thatësirën dhe reshjet e mëdha.
Kafeja është malli i dytë më i tregtuar në botë për nga vëllimi, pas naftës së papërpunuar dhe popullariteti i saj po rritet. Për shembull, konsumi në Kinë është dyfishuar në dekadën e fundit.
“Kërkesa për mall mbetet e lartë, ndërsa inventarët e mbajtur nga prodhuesit dhe pjekësit raportohen të jenë në nivele të ulëta,” tha Fernanda Okada, një analiste për çmimet e kafesë në S&P Global Commodity Insights.
“Tendenca rritëse e çmimeve të kafesë pritet të vazhdojë edhe për disa kohë”, shtoi ajo.
Po ndodh...
Amerika mund të tërhiqet nga Europa, por jo nga SPAK
Nga Gentian Gaba
ide
Kush është Lepuri i Surrelit?
Nga Sidi Hasanaj
Dy rrugët e gabuara të opozitës me Avokatin e Popullit
Nga Patrik Sadikaj
top
receta Alfa
TRENDING 
shërbime
- POLICIA129
- POLICIA RRUGORE126
- URGJENCA112
- ZJARRFIKESJA128