SHBA eliminon “Niño Guerrero”, liderin e grupit të rrezikshëm kriminal “Tren de Aragua”! Trump: Nuk do të kenë më asnjë strehë të sigurt!

Presidenti amerikan Donald Trump deklaroi se forcat ushtarake të Shteteve të Bashkuara kanë vrarë Héctor Rusthenford Guerrero Flores, i njohur si “Niño Guerrero”, i konsideruar si drejtuesi i organizatës kriminale transnacionale Tren de Aragua. Përmes një postimi në platformën Truth Social, Trump bëri të ditur se operacioni u realizua nga Komanda Jugore e SHBA-së dhe e cilësoi atë si një ndërhyrje “të shpejtë dhe vendimtare”, e kryer në bashkëpunim me autoritetet venezueliane. Ai nuk dha detaje për vendndodhjen apo kohën e saktë të aksionit.

Mesazhi i presidentit u shoqërua me një video ku shihet goditja e një ndërtese nga një predhë dhe shpërthimi që pason. Edhe Sekretari amerikan i Mbrojtjes, Pete Hegseth, konfirmoi se operacioni ishte zhvilluar më herët gjatë javës, pa zbuluar informacione shtesë. “Ky aksion tregon vendosmërinë e përbashkët të SHBA-së dhe Venezuelës për të luftuar organizatat kriminale dhe për të mos u lënë atyre asnjë vend të sigurt për t’u strehuar”, u shpreh Hegseth.

Deri më tani, Shtëpia e Bardhë, Pentagoni dhe Komanda Jugore nuk kanë publikuar detaje të tjera mbi misionin. Guerrero Flores ishte prej kohësh në kërkim nga autoritetet amerikane, të cilat kishin vendosur një shpërblim deri në 5 milionë dollarë për informacione që do të çonin në arrestimin e tij. Ai ishte akuzuar nga drejtësia federale në SHBA për zhvatje, trafik droge dhe aktivitete të tjera të lidhura me krimin e organizuar.

Sipas hetimeve amerikane, “Niño Guerrero” drejtoi për më shumë se një dekadë Tren de Aragua, një organizatë që nisi aktivitetin brenda një burgu në Venezuelë dhe më pas u shndërrua në një rrjet kriminal ndërkombëtar me shtrirje në disa vende të Amerikës Latine dhe në Shtetet e Bashkuara.

Grupi akuzohet për përfshirje në trafik droge, rrëmbime, zhvatje, trafikim njerëzish, kontrabandë emigrantësh, pastrim parash dhe aktivitete të tjera kriminale. Për shkak të veprimtarisë së tij, SHBA e ka klasifikuar Tren de Aragua si organizatë terroriste. Në deklaratën e tij, Trump theksoi se administrata amerikane do të vazhdojë ndjekjen e anëtarëve të organizatës kudo që ndodhen, duke premtuar se lufta kundër karteleve dhe grupeve kriminale transnacionale do të mbetet një nga prioritetet kryesore të sigurisë.

Po ndodh...

10:54 AKTUALITET

Eglant Koçi u vra dhe zhduk nga shoku, Policia e Tiranës jep detajet: Kërkimet janë zgjeruar edhe në Elbasan

10:44 KOSOVA

Arrestohen dy të dyshuar për sulm fizik ndaj një personi në Fushë Kosovë

10:20 AKTUALITET

Përplasi qëllimisht me makinë katër persona në Shkodër/ Prokuroria kërkon arrestimin e autorit, ishte nën ndikimin e alkoolit gjatë konfliktit të çastit

10:04 AKTUALITET

Goditen tre raste në fushën e armëmbajtjes pa leje dhe shitjes së kokainës dhe kanabisit në zonat bregdetare

09:47 POLITIKË

"Shqiptarët janë populli më proamerikan", Flutura Açka mesazh Edi Ramës: Zërin e tyre po e devijon si klithmë kundër Amerikës, por ata protestojnë për qeverisjen tënde të keqe

09:32 AKTUALITET

“National Geographic”: Sazani, ishulli i dëshiruar për mijëra vjet nga të fuqishmit

09:04 AKTUALITET

I riu paraqitet me plagë në spitalin e Korçës, denoncon: Më dhunoi policia greke!

08:54 BOTA

Përshkallëzohen tensionet mes Turqisë dhe Izraelit, Erdogan: Veprimet e Tel Avivit kërcënojnë sigurinë tonë

08:42 EKONOMI&SOCIALE

Këmbimi valutor 13 qershor/ Me sa blihen e shiten sot monedhat e huaja

08:20 EKONOMI&SOCIALE

Puna jashtë vendit sjell 192 milionë euro për Shqipërinë, bashkë me remitancat financuan ekonominë me 466 milionë euro në fillimvit

08:15 AKTUALITET

Kushte atmosferike të qëndrueshme dhe kthjellime, si parashikohet moti për këtë të shtunë

08:01 JETË

Horoskopi Ditor E Shtunë 13 Qershor 2026

00:02 Fjalëkryq

Skemë e lirë 13 qershor

00:00 SPORT

Aguirre pas fitores ndaj Afrikës së Jugut: Mund të kishim fituar edhe 4-0!

Dua të lexoj më shumë lajme