Lajme flash
SHBA kritika aleatëve për investimet në ushtri, 12 vende të NATO-s nuk kanë përmbushur objektivin e caktuar
9 Prill 2024, 17:15 / BOTA
12 vende të NATO-s nuk kanë përmbushur ende zotimin për të shpenzuar 2% të PBB-së së tyre për mbrojtjen, tha të hënën ambasadorja amerikane në NATO, Julianne Smith.
Blloku i udhëhequr nga SHBA vendosi objektivin prej 2% në vitin 2014.
“Tani për tani ne kemi 20 aleatë që po përmbushin premtimin prej 2%, 20 aleatë,” tha Smith në një fjalim në Universitetin Georgetown në Uashington. “Kjo është një rritje e konsiderueshme gjatë një dekade. Sigurisht që ne duam që të gjithë aleatët të përmbushin detyrimin.”
Që nga shkurti i këtij viti, vlerësimet e shpenzimeve ushtarake të vitit 2023 treguan ende se vetëm 11 shtete anëtare kishin përmbushur objektivin prej 2%, ndërsa 18 të tjera ende nuk e kishin arritur synimin, duke përfshirë Francën, Holandën, Norvegjinë, Danimarkën, Italinë, Kanadanë, Turqinë dhe Spanjën. Islanda nuk ka një ushtri aktuale ndërsa Finlanda dhe Suedia, të cilat u bashkuan respektivisht prillin e kaluar dhe muajin e kaluar nuk u përfshinë në vlerësim.
Polonia vitin e kaluar shpenzoi 3.9% të prodhimit të saj të brendshëm bruto për ushtrinë, më e larta nga të gjithë anëtarët e bllokut. Presidenti polak Andrzej Duda propozoi së fundmi ngritjen e pragut minimal të shpenzimeve në 3%, duke argumentuar se 2% “nuk ishte e mjaftueshme”.
-
-
Spanjë, arrestohen katër turistë italianë për përdhunim
9 Prill, 16:46 -
-
Spanjë, arrestohen katër turistë italianë për përdhunim
9 Prill, 16:46
Po ndodh...
Amerika mund të tërhiqet nga Europa, por jo nga SPAK
Nga Gentian Gaba
ide
top
TRENDING 
shërbime
- POLICIA129
- POLICIA RRUGORE126
- URGJENCA112
- ZJARRFIKESJA128