Lajme flash
Shkelet armëpushimi/ Netanyahu urdhëron ushtrinë izraelite të pushtojë 70% të Rripit të Gazës
29 Maj 2026, 09:03 / BOTA
Kryeministri i Izraelit, Benjamin Netanyahu, deklaroi se i ka dhënë urdhër ushtrisë izraelite të zgjerojë kontrollin territorial në Rripin e Gazës deri në 70%, një lëvizje që rrezikon të shembë armëpushimin e brishtë dhe të përkeqësojë krizën humanitare në territorin palestinez.
Sipas marrëveshjes së armëpushimit të ndërmjetësuar nga SHBA në tetor, ushtria izraelite ishte tërhequr në një vijë demarkacioni që i jepte kontroll të drejtpërdrejtë mbi 53% të territorit të Gazës. Megjithatë, që prej atëherë, forcat izraelite kanë avancuar gradualisht drejt perëndimit, në zonat e kontrolluara nga Hamasi, duke krijuar një “tokë të askujt” ku ushtria izraelite pretendon të drejtën të kontrollojë hyrjet dhe të hapë zjarr ndaj kujtdo që e konsideron kërcënim.
“Aktualisht po e shtrydhim Hamasin. Tani kontrollojmë 60% të territorit në Rrip. Ishim në 50%, kaluam në 60%. Direktiva ime është të kalojmë në 70%”, tha Netanyahu.
Ministri izraelit i Mbrojtjes, Israel Katz, deklaroi se objektivi përfundimtar i qeverisë është largimi i një numri të madh palestinezësh nga Gaza përmes asaj që ai e quajti “migrim vullnetar”.
Megjithatë, organizatat e të drejtave të njeriut e kanë cilësuar planin si një strategji afatgjatë për spastrim etnik, duke i bërë kushtet e jetesës në Gaza të papërballueshme për popullsinë civile.
Po ndodh...
Sulmet ndaj Dumanit dhe heshtja e Berishës për Ilir Shtufin
Nga Bato Kosova
ide
Rikthimi i demokracisë, kauza e madhe që zgjidh të tjerat
Nga Preç Zogaj
Paradoksi i Kohës: A i dha Koha të drejtë Yuri Kim-it?
Nga Drin Kastrioti
Rama e Berisha, beteja e humbur me opinionin
Nga Alfapress
top
receta Alfa
shërbime
- POLICIA129
- POLICIA RRUGORE126
- URGJENCA112
- ZJARRFIKESJA128