English
Luaj me Fjalëkryq
Lajme flash

Accor sjell markën Swissôtel në Shqipëri

6 Tetor 2025, 18:35 / EKONOMI&SOCIALE ALFA PRESS

Accor sjell markën Swissôtel në Shqipëri
Accor, një nga grupet hoteliere kryesuese në botë, njofton sot nënshkrimin e njëmarrëveshjeje me Ulk Invest sh.p.k për hapjen e Swissôtel Vlora, një resort bregdetar me 99 dhoma në Radhimë, një fshat piktoresk turistik i vendosur nërivierën mahnitëse shqiptare. Hapja e hotelitparashikohet në vitin 2028, dhe kjomarrëveshje shënon debutimin e markës premium në Shqipëri.

E themeluar në vitin 1980, Swissôtel është bërë sinonim i dizajnit intuitiv, rehatisë bashkëkohore dhe vitalitetit të kulturës zvicerane. Sot, me mbi 30 prona në mbarë botën, marka i frymëzon klientët me energjinë alpine dhe dëshirën për të eksploruar botën, për të zbuluar shpërblimet e vërteta të jetës dhe për të përqafuar mundësitë për të jetuar mirë.

Nënshkrimi i marrëveshjes për Swissôtel Vlora ndërtohet mbi praninë në rritje të Accor në vend, e cila përfshin Mövenpick Hotel Lalëz Durrës, Mercure Tirana, Green Coast Hotel MGalleryCollection – si dhe njoftimin, më të fundit, për Pullman Durrës, që pritet të hapet në vitin 2028.

Frank Reul, Nënkryetar – Zhvillimi Accor Premium, Midscale & Economy, Europa Lindore, Ballkani, Italia & Greqia, tha:

“Industria e turizmit në Shqipëri po përjeton një rritje të jashtëzakonshme, dhe Vlora është në rrugën e duhur për t’u bërë një nga destinacionet më tërheqëse të rajonit. Duke sjellë Swissôtel këtu, ne u ofrojmë udhëtarëve jo vetëm një resort me pamje mahnitëse dhe shërbime premium, por edhe mundësinë për të përjetuar vitalitetin, ekuilibrin dhe qasjen tonë të qëndrueshme zvicerane.”

Hoteli do të zhvillohet në bashkëpunim me ULK Invest sh.p.k, në bazë të një marrëveshjeje menaxhimi me Accor.

Shqiprim Jakupi, Drejtor i Përgjithshëm i ULK Invest sh.p.k, shton:

“Bashkëpunimi me Accor, një nga grupet hotelierekryesuese në botë, është një mundësi e vlefshmepër ne që të rritemi dhe të sjellim markënSwissôtel në Shqipëri. Ky projekt e forcon ofertëne turizmit premium në vendin tonë, e cila po zhvillohet me ritme dinamike dhe po tërheq çdo vit gjithnjë e më shumë udhëtarë ndërkombëtarë. Ne jemi të bindur se Swissôtel Vlora do ta pasurojë Rivierën Shqiptare me një përvojë unike mikpritjeje dhe se bashkëpunimi ynë do të sjellë përfitime afatgjata, duke e pozicionuar më tej Shqipërinë si një destinacion kyç në rajon”.

E vendosur mes Detit Adriatik dhe peisazheve malore, Swissôtel Vlora do të mishërojë përzierjen karakteristike të mikpritjes zvicerane, dizajnit bashkëkohor dhe qëndrueshmërisë së qëllimshme. Resorti do të ketë dhoma eleganteme pamje panoramike, tarraca të gjelbra dhe një pishinë “infinity”, me arkitekturë që ndërthuret në mënyrë harmonike me mjedisin natyror.

Klientët do të përjetojnë një eksperiencë autentike Swissôtel – një eksperiencë që promovon mirëqenie, vitalitet dhe ekuilibër. Objektet do të përfshijnë një restorant të markës Swissôtel që kremton përbërësit e freskët lokalë, një restorant panoramik, një bar elegant në holl, një qendër wellness dhe spa, pishina të brendshme dhe të jashtme, një qendër moderne fitnesi, si dhe hapësira të përshtatshme për takime dhe evente.

Me këtë hapje, Swissôtel vazhdon të zgjerohet në mbarë Evropën dhe Mesdheun, duke iu bashkuar një rrjeti të dalluar që përfshin Swissôtel Resort Kolašin në Mal të Zi, Swissôtel Poiana Brașov në Rumani, Swissôtel Tashkent dhe Swissôtel Tbilisi në Gjeorgji, duke forcuar pozicionin e saj si një lider në mikpritjen premium të qëndrueshme.

Hotelet Swissôtel janë pjesë e ALL Accor, programit të njohur të besnikërisë dhe platformës së rezervimeve që përmirëson përvojën gjatë dhe pas çdo qëndrimi.

Rreth Accor

Accor është një grup botëror lider në fushën e mikpritjes, që ofron akomodime dhe përvoja në mbi 110 vende me mbi 5,700 hotele dhe resorte, 10,000 bare dhe restorante, qendra mirëqenieje dhe hapësira fleksibël pune. Grupi ka një nga ekosistemet më të larmishme të mikpritjes në industri, që përfshin rreth 45 marka hoteliere nga luks në ekonomi, si dhe sektorin e stilit të jetesës me Ennismore.
ALL Accor, platforma e rezervimeve dhe programi i besnikërisë, mishëron premtimin e Accor gjatë dhe pas qëndrimit në hotel dhe u jep anëtarëve qasje në përvoja unike.

Accor është i përqendruar në nxitjen e veprimeve pozitive përmes etikës së biznesit, turizmit të përgjegjshëm, qëndrueshmërisë mjedisore, angazhimit ndaj komunitetit, diversitetit dhe gjithëpërfshirjes.

Misioni i Accor pasqyrohet në qëllimin e grupit: Të udhëheqë artin e mikpritjes së përgjegjshme, duke lidhur kultura me kujdes të sinqertë.

I themeluar në vitin 1967, Accor SA ka selinë në Francë. I përfshirë në indeksin CAC 40, grupi është i listuar publikisht në bursën Euronext Paris (ISIN: FR0000120404) dhe në tregun OTC në Shtetet e Bashkuara (Ticker: ACCYY).

Për më shumë informacion, vizitoni group.accor.com ose ndiqni Accor në X, Facebook, LinkedIn, Instagram dhe TikTok.

Accor sjell markën Swissôtel në Shqipëri

Accor sjell markën Swissôtel në Shqipëri

Accor sjell markën Swissôtel në Shqipëri

Accor sjell markën Swissôtel në Shqipëri

Po ndodh...

Dua të lexoj më shumë lajme

ide

top

receta Alfa

TRENDING

shërbime

  • POLICIA129
  • POLICIA RRUGORE126
  • URGJENCA112
  • ZJARRFIKESJA128