English
Luaj me Fjalëkryq
Lajme flash

Avioni “mbushet” me aziatikë dhe afrikanë Gjatë muajit të dytë të vitit aktual regjistrohen rreth 1 milionë të huaj

25 Mars 2025, 15:58 / EKONOMI&SOCIALE ALFA PRESS

Avioni “mbushet” me aziatikë dhe afrikanë Gjatë

Shqipëria po përjeton një rritje të ndjeshme të numrit të turistëve vitet e fundit, jo vetëm gjatë sezonit veror, por edhe në atë dimëror. Ky trend pozitiv vërehet në statistikat e fundit të publikuara nga INSTAT për muajin shkurt të vitit 2025.

Sipas të dhënave, gjatë muajit të dytë të vitit në Shqipëri kanë hyrë gjithsej rreth 1 milionë shtetas shqiptarë dhe të huaj, duke shënuar një rritje prej 7.9%, krahasuar me shkurtin e vitit 2024. Megjithatë, krahasuar me janarin e këtij viti, numri i hyrjeve ka pësuar një rënie prej 8.5%.

Në ndarjen sipas kombësisë, rezulton se 51% e hyrjeve ishin shtetas shqiptarë dhe 49% të huaj. Nga këta persona, rreth 543 mijë ishin shqiptarë, një shifër që pasqyron një rritje prej 8.5% krahasuar me shkurtin e vitit të kaluar.

Një tjetër aspekt i rëndësishëm është dalja e shtetasve të huaj nga Shqipëria, e cila ka shënuar një rritje prej 5.5% në shkurt 2025, duke arritur në 543 mijë persona.

Sa i përket origjinës së turistëve, 96% e hyrjeve të shtetasve të huaj në Shqipëri gjatë shkurtit 2025 vijnë nga rajoni i Europës. Europa Jugore përbën 83% të hyrjeve nga kontinenti europian, e ndjekur nga Europa Perëndimore me 6%.

Përgjatë dy muajve të parë të vitit numri i shtetasve të huaj të hyrë në territorin e Shqipërisë u regjistrua në gati 1 milionë.

Një rritje e ndjeshme është vënë re edhe në numrin e turistëve nga Afrika dhe Azia. Në periudhën Janar-Shkurt të vitit 2025, numri i turistëve afrikanë ka shënuar një rritje prej 119%. Po ashtu, numri i të huajve nga Azia e Jugut u rrit me 194%, ndërsa nga Azia lindore me 42.6%.

Sa i përket qëllimit të vizitës, 97% e rasteve janë për arsye personale, ku dominojnë pushimet dhe vizitat tek të afërmit. /SCAN

 

Po ndodh...

Dua të lexoj më shumë lajme

ide

top

receta Alfa

TRENDING

shërbime

  • POLICIA129
  • POLICIA RRUGORE126
  • URGJENCA112
  • ZJARRFIKESJA128