Udhëzimi i Kadastrës: Ja hapat që duhet të ndiqni për të rivlerësuar pronën

Agjencia Shtetërore e Kadastrës ka udhëzuar qytetarët se si duhet të veprojnë për të bërë rivlerësimin e pronave të tyre. Sipas udhëzimit, hapi i parë është identifikimi në e-Albania.

Pas hyrjes në llogarinë personale në e-Albania, qytetarët duhet të zgjedhin shërbimin: “Rivlerësimi i Pasurisë”, duke konfirmuar përmes një klikimi se “Përfaqësuesi është i njëjtë me aplikantin”.

Në faqen që hapet më pas, zgjidhet pasuria që kërkohet të rivlerësohet, të cilës i shtohet automatikisht edhe shërbimi “Lëshim kopje kartele të pasurisë së paluajtshme”.

Pas këtyre hapave, qytetarët duhet të ngarkojnë një dokument pronësie ose aktin e ekspertimit dhe licensën e ekspertit në PDF, nëse rivlerësimin e kanë kryer me ekspert të licensuar.

Në faqen pasardhëse reflektohet tarifa minimale e shërbimit, ku duhet klikuar “Dërgo”.

Kadastra shpjegon se tarifa e shërbimit nuk është fikse, por ajo përllogaritet në varësi të shumës së tatimit që do të rezultojë nga rivlerësimi. Sipas udhëzimit të ministrit të Financave tarifat kadastrale për rivlerësimin e pronës janë si më poshtë:

Deri në 150,000 lekë tatim → 3,500 lekë
Nga 150,001 – 300,000 lekë tatim → 7,000 lekë
Mbi 300,001 lekë tatim → 10,000 lekë

Tarifa e shërbimit përfshihet në faturën që vjen në e-Albania, thuhet në sqarim.

Një ditë më parë ministria e Financave publikoi udhëzimin, që i hap rrugë nisjes së rivlerësimit të pronave me një tatim të zbutur 5 për qind, nga 15% që është norma zyrtare e taksës.

Udhëzimi përcakton se rivlerësimi mund të bëhet ose pranë ASHK-së me çmimet minimale fiskale ose nga një ekspert i licencuar.

Në udhëzim përcaktohet se në rast se individi zgjedh që rivlerësimin e pasurisë ta bëjë ASHK-ja, ai bëhet me çmimet minimale fiskale, që janë në fuqi në momentin e kryerjes së procesit të rivlerësimit dhe në përputhje me përcaktimet e udhëzimit të përbashkët nr. 34, datë 29.12.2023, “Për tatimin e kalimit të së drejtës së pronësisë së pasurisë së paluajtshme”.

Po ndodh...

20:56 BOTA

Kompania e Trumpit planifikon qiellgërvishtësin më të lartë në Australi, 335 metra i lartë

20:44 AKTUALITET

U kap me 1 milion euro të fshehura në automjet, kush është polici i komisariatit nr.5 në Tiranë

20:26 BOTA

Zvicra bllokon 880 milionë dollarë të Maduros

20:13 SHOWBIZ

Menaxheri i Benitës reagon për lajmet virale: Të gjitha janë të pavërteta, prisni njoftimet zyrtare

20:03 AKTUALITET

Lëkundje tërmeti në Elbasan

Nga Ermal Peçi 19:53 POLITIKË

Rrugët po flasin!

Nga Ermal Peçi

19:45 SHOWBIZ

Brikena në bisedën me Mateon: Të lutem mos vazhdo të thuash që ke ndjenja

19:32 BOTA

“Do të vrisnin Vuçiçin dhe familjen e tij”, Serbia pretendon se ka ndaluar një atentat ndaj presidentit: Dy persona në pranga

19:21 AKTUALITET

Izolimi i juglindjes/ Devijohet transporti i mallrave në kufi, si do kryhet lëvizja e mjeteve

19:07 SPORT

Gara në La Liga, Iniesta: Barcelona favorite

18:53 SPORT

Champions, Arbeloa: Reali gati, japim maksimumin në fushë

18:32 BOTA

Lufta me Rusinë, Bashkimi Evropian i jep 90 miliardë euro kredi Ukrainës

18:22 AKTUALITET

Bllokimi i aksit Librazhd-Pogradec/ Kreu i ARRSH: Fajin e kanë reshjet! Do ndërtojmë një rrugë alternative

18:07 AKTUALITET

Dhunoi brutalisht nënën dhe u mbyt në det, flet babai i 20-vjeçarit shqiptar: Si ndodhi ngjarja

Dua të lexoj më shumë lajme