101 vite nga lindja e shkrimtarit At Zef Pllumi

Përkujtojmë sot intelektualin, fratin françeskan, teologun, shkrimtarin dhe filozofin, At Zef Pllumi.

At Zef Pllumi lindi më 7 prill 1924 në Malin e Rencit, në Shëngjin të Lezhës. Ai studioi në disa fusha, si teologji, letërsi dhe filozofi, dhe përvetësoi mjaft mirë gjuhët e huaja: italisht, frëngjisht, gjermanisht, latinisht dhe greqishten e vjetër.

Më 14 dhjetor 1946, u arrestua dhe u dënua me tre vjet burg, në moshën 22 vjeç. Nga viti 1949 deri në vitin 1951, merret me numizmatikë në Muzeun e Shkodrës. Më vonë, ai do të shërbejë si meshtar i Dukagjinit për rreth 12 vjet. Në vitin 1967, arrestohet dhe për 23 vjet vuan dënimin në burgje dhe kampe të ndryshme, si në Spaç, Reps, Ballsh, Skrofotinë të Vlorës, Zejmen-Shën Koll, Shën Vasil dhe Tiranë.

Në vitin 1990, u kthye në Tiranë si klerik dhe, përveç aktiviteteve të tij, ai përpiqet të kontribuojë në lëmin e kulturës dhe edukimit shqiptar, aq të dëmtuar gjatë pesëdhjetë vjetëve të komunizmit.

Nga viti 1993 deri në vitin 1997, rinxjerr revistën “Hylli i Dritës”.

Ai shkroi dhe botoi trilogjinë “Rrno vetëm për me tregue”, vëllimet “Françeskanët e mëdhenj”, “Erazmo Balneo”, “Saga e Fëmijërisë”, dhe “Frati i pashallarëve Bushatlli”.

Një ndër nismat e tij me vlerë të pamasë ishte ribotimi i kolanës së plotë të veprave të etërve françeskanë, të zhdukura barbarisht nga qarkullimi gjatë regjimit komunist, si dhe përpjekjet për gjetjen e eshtrave të At Gjergj Fishtës.

Në vitin 2006, u dekorua me çmimin “Nderi i Kombit” nga Presidenti i Republikës.

Po në atë vit, ai mori çmimin letrar “Penda e Artë” për trilogjinë e tij me kujtime “Rrno vetëm për me tregue”, të akorduar nga Ministria e Kulturës e Shqipërisë.

Vdiq më 25 shtator 2007 në Romë, Itali, dhe u varros më 30 shtator 2007 në Shkodër.

Shënim: Data e lindjes i mbeti 7 prill, si pasojë e një rivendosjeje nga Gjykata Civile, pasi doli për herë të parë nga burgu dhe nuk morën parasysh as datën e lindjes që figurohej në regjistrat shkollorë, as atë të shënuar në burg (që ishte tjetër). Ka dokumente ku figuron datëlindja në muajin gusht.

Po ndodh...

09:48 AKTUALITET

Zbulohet ‘foleja’ e prostitucionit në Durrës, arrestohen dy kolumbiane, procedohen gjashtë të tjerë

09:21 BOTA

“Forbes” liston 10 vendet më të mira për të jetuar në vitin 2026

09:05 AKTUALITET

I vuri flakën dy automjeteve në Shkodër, arrestohet 19-vjeçari

08:39 KOSOVA

Lëkundje tërmeti në Kosovë, sa ishte magnituda

08:33 EKONOMI&SOCIALE

Këmbimi valutor 15 dhjetor/ Me sa blihen e shiten sot monedhat e huaja

08:28 SHOWBIZ

Regjisori i njohur i Hollivudit dhe gruaja e tij gjenden të vdekur, nis hetimi për vrasje

08:25 BOTA

Anije greke kapet me sasi të madhe kokaine nga Amerika Latine drejt Evropës

08:19 AKTUALITET

Diell dhe temperatura të ulta! Parashikimi i motit për këtë të hënë

08:05 JETË

Horoskopi Ditor E Hënë 15 Dhjetor 2025

00:01 Fjalëkryq

Skemë e lirë 15 dhjetor

23:52 BOTA

I betuari i ISIS-it/ Identifikohet i dyshuari i dytë për sulmin terrorist në Sydney, u mori jetën dhjetëra personave

23:35 AKTUALITET

Shqipëria, parajsa “offshore” për mashtruesit: Turku Veysel Sahin me “call centera”, synon bastet online!

23:21 SPORT

Ernest Muçi vlerësohet me çmimin “Goli më i bukur” i nëntorit

23:00 BOTA

Ukraina pret përgjigjen e SHBA-së për propozimin e fundit të paqes të Kievit, Zelensky fillon takimet diplomatike në Berlin

Dua të lexoj më shumë lajme