Lajme flash
Pse Marilyn Monroe e fshehu gjithë jetës ekzistencën e motrës së saj
12 Korrik 2022, 16:11 / JETË
Për ata që nuk e dinë, Marilyn Monroe kaloi një pjesë të fëmijërisë së saj në një jetimore.
Pasi ajo u bë e njohur i tha shtypit se nuk kishte askënd nga familja gjallë dhe mashtrimi dukej se funksionoi.
Vetëm pas vdekjes së Marilyn, Berniece theu heshtjen dhe i tregoi botës për gjysmën motrën e saj- një motër që e donte shumë.
Siç rezultoi më vonë ishte Berniece ajo që zgjodhi arkivolin dhe fustanin për yllin e shuar të Hollivudit.
Kur Marilyn ishte ende Norma Jeane
Për 19 vitet e para të jetës së saj, Berniece ishte në errësirë për ekzistencën e gjysmë-motrës së saj më të vogël.
Kjo ishte në vitet 1930 kur Marilyn nuk ishte akoma Marilyn.
Ajo lindi me emrin Norma Jeane Mortenson në vitin 1926 në Los Anxhelos.
Nëna e saj, Gladys Baker, ishte 24 vjeç kur Marilyn erdhi në jetë.
Marilyn ashtu si gjysmë motra e saj nuk kishte asnjë informacion për familjen e saj.
E vetmja gjë që dinte ishte se nuk kishte asnjë tjetër, përveç nënës së saj Gladys.
Ajo jetoi me nënën e saj në mënyrë periodike deri në moshën dhjetë vjeç.
Në një moment, Marilyn u dërgua të jetonte me një shoqe të nënës së saj të quajtur Grace Goddard.
Gjatë kësaj kohe Marilyn mësoi për gjysmën motrën e saj.
Po ashtu Berniece u rrit në Kentaki shumë larg nga qyteti i engjëve ku jetone Merilyn.
Berniece vitet e saj të para ajo i kaloi me vëllanë e saj Jacike, babain e saj dhe njerkën.
Por Berniece gjithmonë pyeste se cila ishte nëna e saj e vërtetë.
Ajo kishte parë vetëm një foto të Gladys në një komodinë në shtëpinë e saj.
Berniece lindi në vitin 1919, shtatë vjet para se nëna e saj të lindte Norma Jeane.
Gjatë asaj kohe, Gladys ndërpreu çdo kontakt me ish-bashkëshortin e saj Jasper, duke e lënë atë me dy fëmijët e tyre, Jackie dhe Berniece.
Gladys kishte shkruar në certifikatën e lindjes së Marilyn se ajo ishte fëmija i saj i vetëm, duke e shkëputur atë nga pjesa tjetër e familjes.
Është interesante se si Berniece ashtu edhe Marilyn kishin shumë të përbashkëta, përtej të pasurit të njëjtën nënë.
Të dyja vajzat u rritën në shtëpi që ishin të mbushura me trazira.
Berniece e dinte se si ishte tw ndihej pa familje.
Pasi Gladys la babain e saj, ai u martua përsëri me një grua të ashpër - e cila ishte shumë më e madhe se ai.
Dashuria e babait të saj shkoi për gruan e tij të re, duke lënë menjëanë djalin dhe vajzën e tij.
Por kur ajo mbushi 19 vjeç dhe ishte gati të martohej, nëna e saj u shfaq papritur në jetën e saj në formën e një letre.
Ishte babai i saj i cila shkoi tek ajo me letrën në dorë dhe i tha vajzës së tij:
‘’ Nuk e di nëse duhet ta jap këtë apo jo. Në fillim mendova se nuk do ta tregoja kurrë. Njerka jote dhe unë folëm për këtë. Ne vendosëm që ta jepnin.’
Kureshtare dhe e hutuar Berniece e hapi letrën në të cilën e ëma e saj i kishte rrëfyer se ajo ka një motër 12 vjeçare të quajtur Norma Jeane.
Së bashku me informacionin tronditës e ëma e saj i kishte treguar dhe adresën ku mund t’i shkruante gjysmë-motrës së saj.
Për Berniece-n, letra – dhe lajmet që mbarte me vete – iu përgjigjën shumë pyetjeve.
Ajo nuk kishte nevojë ta mendonte mirë - ajo menjëherë nxori një stilolaps dhe një letër dhe i shkroi motrës së saj të sapogjetur një letër.
Në letrën e parë të Berniece për Marilyn, ajo përfshiu një foto të saj.
Dhe kur Marilyn i dërgoi përgjigjen, ajo bëri të njëjtën gjë.
Ajo donte të dinte gjithçka për motrën e saj më të madhe dhe se si ishte jeta në Kentaki.
Çdo letër nënshkruhej me,fjalët "Motra jote".
Me kalimin e viteve, motrat vazhduan t'i shkruanin letra njëra-tjetrës.
Por ata ende nuk ishin takuar personalisht.
Megjithatë, kaluan edhe dy vite të tjera para se të dyja të arrinin të takoheshin: ndodhi në Detroit, ku Berniece ishte zhvendosur me burrin e saj Paris Miracle.
Norma Jean, 18 vjeç, iu bashkua asaj dhe motra e saj e madhe e përshkroi takimin e parë në këtë mënyrë.
“Ishte e pamundur mos të njiheshim! Të gjithë pasagjerët që zbrisnin nga treni dukeshin kaq të zakonshëm, pastaj, papritmas, zbriti kjo vajzë e gjatë dhe e bukur. Nuk mund të ndalonim së vështruari njëra-tjetrën. Kishim të njëjtat flokë bjonde, të njëjtën gojë, vetëm sytë ishin të ndryshëm”.
Motrat gjithashtu gjetën menjëherë mirëkuptimin e krijuar në shkëmbimin e letrave personalisht dhe gjatë asaj dite folën gjatë për nënën e tyre, duke e quajtur atë 'një të huaj të vërtetë'.
Nëse jeta publike e Marilyn është histori, aq më pak është jeta e saj familjare. Motra e saj Berniece ishte gjithmonë me të, duke shkuar shpesh për ta vizituar.
Marilyn e mori nënën dhe motrën e saj në një turne nëpër Los Anxhelos, duke u përpjekur të rindërtonte atë marrëdhënie familjare që ato kurrë nuk e kishin pasur në të vërtetë.
Ëndrra e aktores për të pasur gjithmonë Berniece pranë saj ishte aq e fortë sa u përpoq t'i gjente një punë në Fox, por fatkeqësisht, përveçse nuk e gjeti vendin e punës për të, Marilyn u pushua edhe vetë nga puna.
Megjithatë, mundësitë nuk vonuan: në vitin 1948, një kontratë me Columbia Pictures mbërriti për yllin, por ndërkohë presioni dhe ndërhyrja e mediave mbi jetën e saj dhe të familjes ishin bërë gjithnjë e më mbytëse.
Aq sa, për të mbrojtur Berniece-n, Marilyn Monroe mori një vendim shumë të rëndësishëm.
Ajo filloi t'i tregonte shtypit se ishte jetime dhe se nuk kishte askënd nga familja gjallë.
Përmes punonjësve të saj të marrëdhënieve me publikun ajo përhapi histori të rreme për të kaluarën e saj.
Dredhia dukej se funksionoi.
Jashtë jetës publike të Marilyn-it, aktorja dhe motra e saj gjithmonë e kanë mbështetur njëra-tjetrën, aq sa në vitin 1961, kur Monroe mësoi se duhej t'i nënshtrohej një operacioni, Berniece Baker iu bashkua menjëherë në Nju Jork.
“Që atëherë nuk kam qenë kurrë e njëjta. Zgjodha arkivolin e saj dhe fustanin e gjelbër”, ka thënë Berniece për vdekjen e motrës.
Berniece Baker vendosi të shkruante e vetme një kujtim për motrën e saj, Motra ime Marilyn: A Memoir of Marilyn Monroe, botuar në 1994-ën.
Motra e madhe e Marilyn-it, e cila u mbajt e fshehur për shumicën e viteve të suksesshme të aktores, ndërroi jetë në vitin 2014, në moshën 94-vjeçare.
E ëma Gladys Baker në mes me dy vajzat Marilyn Monroe dhe Berniece
Po ndodh...
Amerika mund të tërhiqet nga Europa, por jo nga SPAK
Nga Gentian Gaba
ide
top
receta Alfa
TRENDING 
shërbime
- POLICIA129
- POLICIA RRUGORE126
- URGJENCA112
- ZJARRFIKESJA128