Lajme flash
Gërvalla takon Kaja Kallas në Luksemburg: Kosova të trajtohet si partnere e barabartë në proceset integruese
14 Prill 2025, 10:15 / KOSOVA
Ministrja e Punëve të Jashtme dhe Diasporës së Kosovës, Donika Gërvalla, ka zhvilluar një takim me përfaqësuesen e lartë të Bashkimit Evropian për Punët e Jashtme, Kaja Kallas, ku theksoi rolin kyç të BE-së për ruajtjen e stabilitetit dhe ofrimin e drejtësisë për qytetarët evropianë.
Gërvalla kërkoi në Luksemburg ku po mbahen takimet e Kallas me ministrat e Ballkanit Perëndimorë, që Kosova të trajtohet si partnere e barabartë në proceset integruese, duke përshpejtuar rrugën e saj drejt anëtarësimit në BE dhe organizata të tjera ndërkombëtare.
Ajo theksoi se mbështetja për Kosovën duhet të konkretizohet me hapa të qartë, si përmbyllja e procesit të anëtarësimit në Këshillin e Evropës dhe heqja e masave të padrejta. Gërvalla shtoi se e ardhmja evropiane e Ballkanit Perëndimor nuk mund të jetë e plotë pa Kosovën dhe se angazhimi i saj në rajon është një burim stabiliteti për të gjithë Evropën.
Po ndodh...
ide
top
receta Alfa
TRENDING 
shërbime
- POLICIA129
- POLICIA RRUGORE126
- URGJENCA112
- ZJARRFIKESJA128