Kosovë/ 27 vite nga Beteja e Koshares, Kurti: Mirënjohje për të gjithë luftëtarët e UÇK-së!

Kryeministri Albin Kurti nëpërmjet një statusi në Facebook, ka sjellë në vëmendje Betejën e Kosharës.

Si sot 27 vite më parë nisen luftimet e Betejës së Koshares, me qëllim shembjen e kufirit mes Kosovës dhe Shqipërisë, që prej dekadash i ndante dhunshëm shqiptarët mes tyre.

Në reagimin e tij Kurti shprehet se 114 luftëtarë të UÇK-së ranë dëshmorë duke luftuar për çlirimin e Kosovës, teksa mbi 400 të tjerë u plagosën.

Si sot, 27 vite më parë, filluan luftimet e Betejës së Koshares, me qëllim shembjen e kufirit mes Kosovës dhe Shqipërisë, që prej dekadash i ndante dhunshëm shqiptarët mes tyre.

Më 9 prill 1999, në mëngjes herët, ushtarët e Ushtrisë Çlirimtare të Kosovës mësyen mbi pozicionet ushtarake të Serbisë në brezin kufitar mes Republikës së Shqipërisë dhe Jugosllavisë, duke sulmuar mbi bazën “7 korriku”, Rrasën e Koshares dhe majen Gllava. Nga ajo ditë, deri më 10 qershor, për dy muaj të plotë rresht, mijëra pjesëtarë të UÇK-së do të përfshiheshin në luftimet e Betejës së Koshares, në një territor të shtrirë prej disa kilometrash dhe në një reliev të thyer malor e kodrinor.

Beteja e Koshares nisi dy javë pas fillimit të bombardimeve të NATO-s mbi Jugosllavi dhe vazhdoi deri në ditën e fundit të kësaj fushate. Gjatë atyre ditëve, një ushtri çlirimtare dhe gjithëkombëtare vullnetarësh siç ishte UÇK-ja, u kthye në një aleate të aleancës më të madhe ushtarake të botës, NATO-s, që së bashku i ndaluan fushatat e spastrimit etnik dhe të gjenocidit që Jugosllavia e Serbisë së Millosheviqit po i kryente ndaj shqiptarëve të Kosovës.

Ndër luftime të ashpra gjatë Betejës së Koshares, 114 luftëtarë të UÇK-së ranë dëshmorë duke luftuar për çlirimin e Kosovës, teksa mbi 400 të tjerë u plagosën.

Në anën kundërshtare, pala serbe asnjëherë nuk do t’i publikonte të plota të dhënat e humbjeve të turpshme prej kësaj beteje, por mbi 100 pjesëtarë të ushtrisë jugosllave mbetën të vrarë kurse shumëfishi i numrit të tyre u plagosën.

Çdo pranverë, i kujtojmë me mirënjohje dhe nderime të gjithë luftëtarët e UÇK-së që morën pjesë me guxim në Betejën e Koshares, duke dhënë djersë, mund dhe gjak për atdheun tonë dhe lirinë e popullit.

Lavdi u qoftë dëshmorëve të rënë në Betejën e Koshares, sot e përmot! 

Po ndodh...

16:39 BOTA

Një nga kërkesat kyçe të SHBA për paqen, zyrtari iranian: Nuk do të ndalojmë pasurimin e uraniumit!

16:26 JETË

Promovohet në Kamëz romani “Ministri” i Ahmet Prençit. Merr vlerësimet e Ben Blushit, Ylljet Aliçkës, Arben Çejkut dhe Monika Stafës

16:16 BOTA

“Ngushtica e Hormuzit, pika më kritike e marrëveshjes SHBA-Iran”, Meloni paralajmëron: Kufizimi i lëvizjes do sjellë pasoja të paparashikueshme!

16:06 JETË

Fakti pas ‘Ozempic hands’: Çfarë po ndodh me duart tuaja?

16:05 BOTA

Izraeli vijon ofensivën ndaj Libanit, lëshon urdhër evakuimi për periferitë e Bejrutit

15:52 SPORT

Henry kundër rrymës: Nuk ishte karton i kuq rasti i Cubarsi!

15:46 POLITIKË

Gjykata e Lartë rrëzon Ballukun, ish-zv/kryeministres së akuzuar nga SPAK nuk i lejohet dalja jashtë shtetit

15:20 POLITIKË

PD angazhon strukturat lokale për hartën e re territoriale, zbardhet udhëzimi drejtuar degëve

15:16 Fjalëkryq

Skemë kampionësh 9 prill

15:09 POLITIKË

Takimi me ndërtuesit, Rama batuta: Këta demokratët me ne punojnë, me të tjerët protestojnë! U del të argëtohen edhe me molotovë

14:57 AKTUALITET

E rëndë në Pogradec! Tentoi të mbytej në liqen, kalimtarët shpëtojnë 69-vjeçaren

14:40 POLITIKË

Ulsi Manja i dhuron Braçes librin “Stalini përballë Hitlerit”

14:32 SPORT

Arratisja e 7 lojtarëve rrezikon pjesëmarrjen e Eritresë në Kupën e Kombeve të Afrikës 2027!

14:17 BOTA

Një ditë para bisedimeve për paqe në Lindjen e Mesme, vriten të afërmit e liderit të Hezbollahut

Dua të lexoj më shumë lajme