“Politikani më i shquar në Kosovë”/ The Guardian: Gjyqi ndaj ish presidentit të Kosovës në Hagë, do ta rishkruajë historinë

Gazeta prestigjioze britanike “The Guardian” i ka kushtuar një artikull gjykimit ndaj ish-krerëve të Ushtrisë Çlirimtare të Kosovës, të nisur më 3 prill në Hagë.

Në këtë artikull prestigjozja britanike shkruan konkretisht për gjykimin ndaj ish-presidentit Hashim Thaçi, të cilin e cilëson si politikani më i shquar në Kosovë.

“The Guardian” përshkruan ngjarjet historike të luftës dhe pas saj, si dhe rolin e tyre në to, deri tek arrestimi nga Dhomat e Specializuara të Hagës.

“Javën e kaluar, Thaçi, i cili shërbeu si kryeministër dhe president i Kosovës, u paraqit në bankën e të akuzuarve të një gjykate të Hagës së bashku me tre kolegë të shquar, të gjithë të akuzuar për krime lufte të kryera gjatë konfliktit, duke përfshirë bashkëpunimin në vrasjen e 102 personave”, shkruan “The Guardian”.

Ndërsa prokurorët paraqitën rastin e tyre kundër Thaçit dhe të pandehurve të tjerë Rexhep Selimi, Kadri Veseli dhe Jakup Krasniqi – të gjitha figura të larta në udhëheqjen e UÇK-së gjatë luftës kundër forcave serbe nga viti 1998 deri në vitin 1999 – ata përshkruan një fushatë të supozuar të vrasjeve, torturës dhe represionit kundër kundërshtarëve dhe anëtarët e pakicave etnike të drejtuar nga katër burrat.

“The Guardian” e ka përmendur edhe raportin e Dick Martyt që është publikuar në vitin 2010, që pretendonte për shkelje të rënda të të drejtave të njeriut, përfshirë trafikimin e organeve nga UÇK-ja, megjithatë thuhet se çështja ka vazhduar në gjyq me ritëm të ngadaltë, ndërsa pretendimet për vrasjen e viktimave dhe marrjen e organeve të tyre janë zhdukur nga procedurat.

Tutje në artikull thuhet se pretendohet që viktimat përfshinin përkrahës të LDK-së, civil serbë dhe romë, të cilët u mbajtën në kushte çnjerëzore në selinë e UÇK-së, dhe iu nënshtruan torturave e në disa raste edhe u ekzekutuan.

“The Guardian” më tej shkruan se gjykimi në Hagë pritet që të rishkruajë historinë.

“Gjyqi, i cili u hap dy vjet pasi burrat u dorëzuan në juridiksionin e gjykatës dhe pritet të zgjasë deri në gjashtë vjet, tashmë duket i sigurt se do të rishkruajë historinë e konfliktit.

Procedurat, thellësisht të papëlqyeshme në Kosovë dhe Shqipërinë fqinje, kujtojnë periudhën e konfliktit brutal midis viteve 1998 dhe 1999, ku organizatat e armatosura serbe dhe kosovare kryen krime lufte në kontekstin e kryengritjes së armatosur të UÇK-së dhe reagimit ushtarak të Beogradit”, thuhet mes tjerash në artikullin e prestigjiozes britanike.

Thaçi, Veseli, Krasniqi dhe Selimi janë në paraburgim në Hagë, prej nëntorit të vitit 2020. Ata janë deklaruar të pafajshëm për akuzat e ngritura ndaj tyre.

Po ndodh...

10:16 AKTUALITET

Lezhë/ Gjendet i pajetë një 42-vjeçar, nëna e tij vret veten. Dyshimet e para

09:56 AKTUALITET

Festat e fundvitit, fluks pasagjerësh në portin e Vlorës

09:54 SHOWBIZ

Alba Pollozhani ndahet live në BBVK nga i dashuri: Nuk meriton as një takim

09:36 BOTA

Analiza: A do ta bëjë marrëveshja amerikane TikTok-un më të sigurt, por më pak tërheqës?

09:21 AKTUALITET

Tiranë, sekuestrohet 1.5 kg lëndë narkotike e ardhur nga Kanadaja, pranga 23-vjeçarit nga Dibra

09:07 POLITIKË

DW: Këshilli i Mandateve pa vendim për imunitetin e Ballukut

08:48 BOTA

Zyrtarët amerikanë dhe rusë do të takohen në Florida për bisedime të mëtejshme për Ukrainën

08:28 BOTA

Nis hakmarrja e SHBA-së për vrasjen e tre ushtarëve amerikanë. Bombardime kundër ISIS-it në Siri

08:21 AKTUALITET

Njihuni me parashikimin e motit për këtë të shtunë

08:14 EKONOMI&SOCIALE

Çfarë po ndodh sot me monedhat e huaja? Ja me sa po blihen dhe shiten dollari dhe euro

08:04 JETË

Horoskopi pěr ditěn e sotme, 20 dhjetor 2025

00:16 Fjalëkryq

Skemë e lirë 20 dhjetor

00:04 BOTA

Qeveria franceze: Pezulloni protestat e fermerëve në Krishtlindje

23:47 BOTA

Rubio akuzon regjimin e Maduros: Bashkëpunon me terroristë dhe krimin e organizuar

Dua të lexoj më shumë lajme