English
Luaj me Fjalëkryq
Lajme flash

“Vuçiç po planifikon sulm”/ Kurti i përgjigjet deklaratave: Po shkakton atmosferë frike

7 Gusht 2024, 20:40 / KOSOVA ALFA PRESS

“Vuçiç po planifikon sulm”/ Kurti i përgjigjet
Kryeministri Albin Kurti i është përgjigjur në rrjetin social X deklaratave të presidentit serb Aleksandër Vuçiç. Shefi i qeverisë në Prishtinë shprehet se është Presidenti serb që po krijon një atmosferë që ngjall frikë, kur iu drejtohet Perëndimorëve duke thënë se “Albin Kurti po provokon luftë”.

“Me pretendimet e rreme se shqiptarët po marshojnë mbi urë, presidenti i Serbisë Aleksandar Vuçiç synon të krijojë një atmosferë frike dhe të shkaktojë reagimin e KFOR-it në Mitrovicë, duke kërcënuar se nëse ata nuk përgjigjen, Serbia do të përgjigjet.”

Kurti nënvizon se asnjë shqiptar nuk po marshon në urën e Ibrit dhe nënvizon se mund të ketë një sulm nga ana e Serbisë në territorin e Kosovës, ashtu siç ndodh zakonisht pas akuzave të forta të Vuçiçit, referuar edhe incidenteve të mëparshme, si rasti i Banjskës.

“Asnjë shqiptar nuk po marshon mbi urë, siç pretendon ai rrejshëm. Të gjitha planet për hapjen e urës kanë synuar të nxisin ndërveprimin paqësor midis dy komuniteteve. Megjithatë, këto akuza të rreme shpesh janë pararendëse e një sulmi të planifikuar nga Serbia. Për sigurinë e të gjithëve, ata nuk duhet dhe nuk do të lejohen të hyjnë në territorin tonë”, deklaron kryeministri Kurti. 

 

Po ndodh...

Dua të lexoj më shumë lajme

ide

top

receta Alfa

TRENDING

shërbime

  • POLICIA129
  • POLICIA RRUGORE126
  • URGJENCA112
  • ZJARRFIKESJA128