Lajme flash
FOTO/ Mediat ndërkombëtare: Goditet lideri i opozitës Sali Berisha në protestën kundër Edi Ramës
6 Dhjetor 2022, 14:22 / POLITIKË
Mediat ndërkombëtare kanë pasqyruar sulmin me grusht të një militanti të PS ndaj kryetarit të PD-së Sali Berisha gjatë protestës së sotme në Bulevardin Dëshmorët e Kombit.
Agjensia e lajmeve ANSA raporton se ‘kryetari aktual i Partisë Demokratike, forca kryesore opozitare e qendrës së djathtë, Sali Berisha, është sulmuar sot nga një person i panjohur, teksa po shkonte për në një demonstratë të organizuar kundër qeverisë së kryeministrit Edi Rama’.
Gjithashtu edhe Reuters ka raportuar se ‘lideri i opozitës është goditur me grusht nga një person në protestën e organizuar në Tiranë kundër qeverisë së kryeministrit Edi Rama'.
Lajmi i ANSA:
Ish-kryeministri shqiptar dhe kryetari aktual i Partisë Demokratike, forca kryesore opozitare e qendrës së djathtë, Sali Berisha, është sulmuar sot nga një person i panjohur, teksa po shkonte për në një demonstratë të organizuar kundër qeverisë së kryeministrit Edi Rama, me rastin e samitit BE-Ballkani Perëndimor, që po zhvillohet në Tiranë.
Për momentin nuk dihen arsyet e sulmit.
Burri që goditi me grusht në fytyrë Berishën u ndalua menjëherë nga truprojat e ish-kryeministrit.
Pasi është ulur në tokë, Berisha ka rifilluar pas pak minutash rrugëtimin drejt vendit të protestës, pavarësisht hundës dhe faqeve të gjakosura.
-
Berisha, thirrje policisë: Lirojeni dhunuesin tim
6 Dhjetor, 14:14 -
-
Po ndodh...
Amerika mund të tërhiqet nga Europa, por jo nga SPAK
Nga Gentian Gaba
ide
top
TRENDING 
shërbime
- POLICIA129
- POLICIA RRUGORE126
- URGJENCA112
- ZJARRFIKESJA128