Protestat masive/ Mustafa Nano: Rama duhet të mendojë largimin, shqiptarët nuk pranojnë që vendi të drejtohet nga një grusht oligarkësh

Analisti Mustafa Nano ka komentuar protestat e fundit qytetare kundër qeverisë, duke vlerësuar se pjesëmarrja e madhe në tubime është një sinjal i qartë pakënaqësie ndaj mënyrës se si po qeveriset vendi. Sipas tij, kryeministri Edi Rama duhet të reflektojë seriozisht mbi situatën politike dhe të marrë në konsideratë largimin nga drejtimi i vendit.

Nano u shpreh se mijëra qytetarë që kanë dalë në protesta tregojnë se një pjesë e konsiderueshme e shoqërisë nuk ndihet më e përfaqësuar nga qeveria aktuale. Ai argumentoi se shqiptarët nuk e pranojnë që vendimmarrja dhe zhvillimi i vendit të ndikohen nga interesa të ngushta ekonomike apo nga një grup i vogël biznesmenësh me ndikim.

Sipas analistit, pakënaqësia publike nuk lidhet vetëm me çështje politike, por edhe me perceptimin se pushteti është larguar nga interesat e qytetarëve të zakonshëm. Ai theksoi se kërkesat e protestuesve duhen dëgjuar dhe se institucionet duhet të tregojnë më shumë përgjegjshmëri përballë reagimit qytetar.

Në analizën e tij, Nano vlerësoi se demokracia funksionon vetëm kur qytetarët ndihen të dëgjuar dhe kur pushteti nuk përqendrohet në duart e pak njerëzve. Për këtë arsye, ai e konsideroi të domosdoshëm një reflektim të thellë politik mbi mesazhin që, sipas tij, po japin protestat e fundit në vend.
“Këshilla ime është vetëm një. Këtë këshillë nuk ia jap atij këllirës tjetër, sepse ai këllira është një botë barbare që nuk më përket. Por ky duhet të mendojë ike, të mendojë largimin. Jo largimin me idenë që pas meje të bëhet qameti, por një ikje normale, të përcjellë stafetën, të organizojë zgjedhje brenda PS, të zgjidhet një lider i ri dhe ky pastaj njatjeta. Madje po të dojë të na hedhë fytyrës edhe ndonjë lloj le të themi justifikimi, të tipit që “ju nuk ishit në gjendje të më kuptonit mua. Unë me mendjen time jam me qindra vite para, ju jeni këtu në vitin 2030”. Mund të na i thotë edhe këto gjëra, por duhet të iki. Duhet të iki sepse shqiptarët nuk janë më të gatshëm të pranojnë faktin që ky duhet ta sundojë këtë vend me një grusht biznesmenësh dhe oligarkësh që takohen me këtë, që flasin me këtë, që shkojnë në zyrë, të vetmit njerëz që kanë akses në zyrën e tij, mëngjes, drekë, darkë. Janë ky grup njerëzish që po sundojnë Shqipërinë. Është zemërimi ndaj këtij fakti, ndaj kësaj situate që ka nxjerrë me mijëra njerëz në sheshet dhe rrugët e Tiranës”, thotë ish ambasadori Mustafa Nano.

Po ndodh...

11:03 AKTUALITET

Konsiderohej si ‘furnitori’ i heroinës, kush është Gëzim “Qorri” i arrestuar sot në Tiranë. Del Fotoja

10:41 SPORT

Kombëtarja e “fikur”, Maran vendos rekordin e parë, negativ

10:10 POLITIKË

Pas 7 protestave që i kërkojnë dorëheqjen, Rama: Ata që vijnë në Bulevard janë të rinj që duan të shfryhen

10:07 SPORT

Futbolli shqiptar në zi/ Ndahet nga jeta në moshën 22-vjeçare sulmuesi i Elbasanit, Fatjon Bunjaku

10:00 AKTUALITET

Lezhë/ Banorët e Mabës pa ujë të pijshëm: Detyrohemi ta blejmë me bidona

09:34 AKTUALITET

EMRI/ Iu gjet pistoletë dhe kokainë në lokal, arrestohet 37-vjeçari në Sarandë

09:19 BOTA

Shkëmbime të ashpra zjarri në Liban, pavarësisht marrëveshjes së njoftuar në Uashington

08:56 KOSOVA

Të tretat në 18 muaj! Kosova voton sot në zgjedhjet e parakohshme parlamentare

08:43 POLITIKË

Shqiptarët në revoltë/ “Dëgjoni mesazhin” – Ermelinda Meksi nuk kursehet ndaj Ramës: Merret me numrin e protestuesve, por jo me pyetjet që ngrejnë qytetarët

08:25 BOTA

Trump hedh idenë surprizë: Amerikanët mund të bëhen aksionerë në kompanitë e Inteligjencës Artificiale

08:15 JETË

Njihuni me parashikimin e yjeve për ditën e sotme

08:11 AKTUALITET

Parashikimi i motit/ Temperaturat arrijnë deri në 31°C, reshje të izoluara në disa qarqe

00:01 Fjalëkryq

Skemë e lirë 7 qershor

23:59 SPORT

Sezon fantastik në Itali, Stiven Shpendi mund të rikthehet në Serinë A!

Dua të lexoj më shumë lajme