Lajme flash
Pse të rinjtë shqiptarë largohen nga vendi? Ministrja Kushi: Në vendet perëndimore po plaket popullsia
12 Shtator 2022, 10:48 / POLITIKË
Nga Kongresi Kombëtar i Arsimit, i cili ka nisur sot, ministrja e Arsimit Evis Kushi deklaroi se të rinjtë po largohen nga Shqipëria sepse në vendet perëndimore, ku kërkojnë punë, janë hapur dyert. Sipas saj shkak për këtë është sepse “po u plaket popullsia”.
“Një tendencë me të cilën po përballet i gjithë rajoni ballkanik, një pjesë e të rinjve largohen nga rajoni për studime apo punësim drejt vendeve perëndimore siç është Gjermania por jo vetëm.
Vende që duke qenë drejt plakjes së popullsisë, e duke pasur nevoja në rritje në tregun e punës kanë hapur dyert për të rinjtë tanë.
Veçanërisht për mjekët infermierët, por edhe profesione të tjera të kohës”, tha Evis Kushi.
Ministrja tregoi dhe mënyrën që ka ‘gjetur’ qeveria për t’i mbajtur të rinjtë në vend pas diplomimit.
“Për t’ju përgjigjur kësaj tendence kemi hartuar disa politika të reja.
Ndërkombëtarizimi i universiteteve, financime shtesë për programe studimi të përbashkëta më universitete prestigjioze evropiane, qëllimi ynë për të rritur cilësinë e për t’i dhënë vlerë diplomave tona s’i në universitetet më të mira të BE.
Përcaktimi i programeve të studimit prioritet kombëtar, bursa studimi më të larta ndonjëherë për studentët që zgjedhin programe si bujqësia, mësuesia, turizmi, me kushtin që studentët pas diplomimit të vijonë të mbesin në Shqipëri të japin kontribut për vendin“, tha Kushi.
Po ndodh...
Amerika mund të tërhiqet nga Europa, por jo nga SPAK
Nga Gentian Gaba
ide
top
TRENDING 
shërbime
- POLICIA129
- POLICIA RRUGORE126
- URGJENCA112
- ZJARRFIKESJA128