Vendosja e minimumit jetik, PD kërkesë për debat në Kuvend

Grupi parlamentar i Partisë Demokratike ka depozituar sot në Kuvend një kërkesë për zhvillimin e një debati në Kuvend në lidhje me mungesën e përcaktimit të minimumit jetik.

Në kërkesë thuhet se “Shqipëria mbetet i vetmi vend në rajon që nuk garanton me ligj një standard minimal jetese për çdo qytetar shqiptar”.

“Në një kohë kur kostot e jetesës në Shqipëri janë rritur ndjeshëm si pasojë e faktorëve kryesisht të brendshëm dhe pjesërisht të jashtëm, shtresat më vulnerabël të shoqërisë shqiptare po përballen çdo ditë me vështirësi të thella ekonomike dhe sociale”, thuhet në këtë kërkesë.

Përcaktimi i minimumit jetik, sipas PD-së, përbën një detyrim kushtetues që buron nga parimet e dinjitetit dhe barazisë njerëzore, nga konventat ndërkombëtare për të drejtat ekonomike dhe sociale, si dhe nga angazhimet e Shqipërisë në kuadër të Agjendës 2030 të Kombeve të Bashkuara për Zhvillim të Qëndrueshëm.

PD thekson se përcaktimi i një treguesi zyrtar të minimumit jetik është një kërkesë e vazhdueshme ndaj qeverisë shqiptare.

Megjithatë, sipas PD-së, deri më sot mungon një qasje ligjore dhe institucionale për përcaktimin dhe përditësimin periodik të këtij standardi jetese.

PD nënvizon se në asnjë dokument të miratuar nga qeveria shqiptare nuk është materializuar miratimi i një ligji të posaçëm apo akti nënligjor që përcakton masën e minimumit jetik në vend.

“Kjo mungesë e bazës ligjore ka prodhuar pasoja të drejtpërdrejta në zbatimin e të drejtave ekonomike e sociale të qytetarëve. 

Mungesa e një minimumi jetik të përcaktuar zyrtarisht cenon parimin e barazisë dhe dinjitetit njerëzor, te sanksionuar në Kushtetutë; dobëson efikasitetin e politikave të mbrojtjes sociale, të cilat nuk bazohen në një standard të matshëm dhe krijon pabarazi strukturore midis qytetarëve dhe rajoneve të ndryshme të vendit”, thuhet në kërkesën e PD-së.

PD thekson se në mungesë të një minimumi jetik të përcaktuar zyrtarisht, nuk mund të flitet për një mbrojtje reale të qytetarëve ndaj varfërisë.

“Kjo përbën një mangësi thelbësore në kuadrin e politikave sociale të vendit dhe një pengesë për përmbushjen e objektivave të zhvillimit të qëndrueshëm”, thuhet në kërkesë.

Po ndodh...

08:32 RECETA ALFA

Pastiçe me beshamel

08:29 JETË

Horoskopi për ditën e sotme, 7 dhjetor 2025

08:27 EKONOMI&SOCIALE

Çfarë po ndodh sot me monedhat e huaja? Ja me sa po blihen dhe shiten dollari dhe euro

00:09 BOTA

Austria konfirmon Eurovision 2026, pavarësisht bojkotit të disa vendeve

00:01 Fjalëkryq

Skemë e lirë 7 dhjetor

23:57 SPORT

Formula 1 / Në Qatar të dielën, shpallet Kampioni i Botës, ja cilat janë kombinimet

23:28 SHOWBIZ

“Bebit nuk i rreh më zemra”, historia e dhimbshme e çiftit Hysko-Huta

Mark Savage dhe Ian Youngs – BBC 23:22 BOTA

Bojkote dhe polemika, a do t’i mbijetojë Eurovizioni krizës së tij më të madhe?

Mark Savage dhe Ian Youngs – BBC

23:03 BOTA

Mes krizës me SHBA-në, Maduro dhe Erdogan bisedë telefonike, Turkish Airlines njofton rifillimin e fluturimeve drejt Karakasit

22:50 BOTA

Horror në Romë/ E moshuara vritet në shtëpi me çekiç, arrestohet nipi: Nuk e duroja më që familjarët më tallnin

22:39 BOTA

Tërmet i fortë godet Kanadanë

22:28 AKTUALITET

“Bëra atë që doja!”- Shqiptari masakron me thikë në fytyrë ish-gruan në Greqi, 50-vjeçarja humb një pjesë të shikimit

22:06 BOTA

“Nuk ka më të mirë se ai!”/ Trump zbulon detaje nga biseda telefonike me Cristiano Ronaldon: Më falenderoi

21:52 BOTA

Europa i përgjigjet SHBA-ve: Afati i 2027-ës për të marrë drejtimin e NATO-s është jorealist

Dua të lexoj më shumë lajme