Lajme flash
Zgjedhjet parlamentare të 11 majit/ Dorëhiqen krerët e PD në Lezhë dhe Mirditë, do të jenë pjesë e primareve
8 Shkurt 2025, 09:40 / POLITIKË
Kryetari i PD-së në Lezhë, Gjin Gjoni dhe ai i Mirditës, Aleksandër Lala kanë dhënë dorëheqjen nga postet e tyre, për t’u bërë pjesë e procesit të primareve në Partinë Demokratike.
Gjin Gjoni dhe Aleksandër Lala kanë lënë bosh karrigen, për shkak se dorëheqja është detyrim statutor i PD për të gjithë drejtuesit e partisë që duan të maten në primare.
Do të jetë kryesia e PD që pritet të komandojë kryetarët e rinj në Lezhë dhe Mirditë, të cilët do të kenë peshën e organizimit të strukturave për zgjedhjet e 11 Majit.
Kreu i kësaj force politike, Sali Berisha ka qenë i prerë teksa është shprehur se asnjë kryetar dege që nuk jep dorëheqjen nuk mund të bëhet pjesë e procesit të primareve.
“Kjo përbën një detyrim statutor, në mënyrë që dega e PD dhe votimi të gjitha të jenë ekuidistante me të gjithë kandidatët. Jo, një kryetar dege që nuk jep dorëheqjen nuk hyn në primare. Kjo është e prerë është në statut”, ka deklaruar më parë Berisha.
Po ndodh...
ide
Shqipëria Madhështore apo Shqipëria e Pazarit Madhështorë!
Nga Ermal Peçi!
Opozita, akoma larg një projekti për rrotacionin e pushtetit
Nga Preç Zogaj
top
receta Alfa
shërbime
- POLICIA129
- POLICIA RRUGORE126
- URGJENCA112
- ZJARRFIKESJA128