English
Luaj me Fjalëkryq
Lajme flash

Speca të Mbushura

12 Qershor 2024, 07:32 / RECETA ALFA ALFA PRESS

Speca të Mbushura

Specat e mbushura me oriz mbeten një nga recetat më të preferuara të shqiptarëve sidomos gjatë stinës së verës kur ato gatuhen nga duart e amvisave.

Është një nga gatimet më të vjetra e të shijshme të kuzhinës tradicionale shqiptare. Fantastike për t’u shijuar dhe shumë të thjeshta për t’u përgatitur në shtëpi.

Ideale për një vakt të shijshëm dreke por edhe darke, specat e mbushura kombinohen në mënyrë fantastike me sallata të freskëta të stinës por edhe me zahire të ndryshme të kuzhinës shqiptare.

Alfa u sugjeron më poshtë recetën tipike të përgatitjes së specave të mbushura me oriz e mish të grirë. Një mënyrë ideale për t’ia servirur gjithë familjes e më të dashurve.

Specat e Mbushura me Oriz   

Përbërësit
5-6 speca për mbushje
2 kokrra mesatare qepë
4-5 filxhanë kafeje oriz
1 filxhan çaji mish i grirë
kripë, piper
1 tufë majdanoz
2-3 kokrra mesatare domate
Disa thelpinj hudhër
Rigon

Përgatitja
Specat zgjidhen me tul dhe të mëdha, lahen, u pritet bishti në formë kapaku, u hiqen farat.

Kalohen në një skuqje të lehtë me vaj ulliri dhe vendosen me rradhë në tavë.

Në një enë me vaj ulliri kaurdiset qepa e grirë hollë. Pasi volumi i qepës të bjerë shtoni domatet e grira hollë dhe kaurdisini për pak minuta.

Alfa ju udhëzon të shtoni mishin e grirë dhe hudhrat dhe kaurdiseni derisa masa të mbetet në yndyrën e saj.

Hidhni kripën, piperin, majdanozin, rigonin dhe ujë dhe lërini të zjejnë për 15 minuta, më pas shtoni orizin dhe lëreni të zjejë përgjysmë dhe masa të jetë e lëngshme.

Nëse preferoni në vend të majdazonit mund të përdorni edhe kopër.

Me masën e përgatitur mbushni specat me rradhë por jo plot, pasi gjatë zierjes orizi shton sasinë dhe mbushja del jashtë. Nëse u tepëron oriz nga masa e mbushjes pasi të keni mbushur specat hidhjani tavës rreth e rrotull specave.

Në fund tavës hidhini dhe pak kripë, pak lëng mishi ose ujë dhe futeni të piqet në furrë të parangrohur.

Po ndodh...

Dua të lexoj më shumë lajme

ide

top

receta Alfa

TRENDING

shërbime

  • POLICIA129
  • POLICIA RRUGORE126
  • URGJENCA112
  • ZJARRFIKESJA128