English
Luaj me Fjalëkryq
Lajme flash

Fitoi Championsin e tetë me Realin, futbollisti ndahet nga jeta në moshën 48-vjeçare

27 Shkurt 2025, 16:01 / SPORT ALFA PRESS

Fitoi Championsin e tetë me Realin, futbollisti ndahet nga jeta në

Futbolli spanjoll vajton humbjen e Javier Dorado Bielsa. Ish-lojtari i Real Madridit, Mallorcës dhe Sporting Gijón ka ndërruar jetë sot pas një sëmundjeje të gjatë. Lajmin e ka raportuar Cadena Ser.

Fitoi Championsin e tetë me Realin, futbollisti ndahet nga jeta në

Ai e nisi aventurën e tij në futboll në akademinë e Real Madridit, duke debutuar me ekipin e parë në vitin 1999, në një ndeshje të Kupës së Mbretit kundër Valencias.

Në sezonin pasues, 1999/2000, ai luajti 7 ndeshje dhe më shumë se 400 minuta nën drejtimin e Vicente del Bosque-s, duke arritur të shpallej kampion i Evropës pas fitores 3-0 në finalen e Ligës së Kampionëve kundër Valencias, në Paris.

Pas largimit nga skuadra e kryeqytetit, mbrojtësi i lindur në vitin 1977 u transferua te Salamanca dhe më pas te Sporting, përpara se të kalonte te Rayo Vallecano në verën e vitit 2002.

Në sezonin pasues, u rikthye në Gijón dhe, pas tri sezonesh me ekipin asturian, u transferua te Mallorca, duke u rikthyer kështu në La Liga.

Ai u tërhoq nga futbolli në vitin 2009, por u rikthye në fushë në vitin 2011, kur firmosi për një sezon me Atlético Baleares, një ekip i kategorisë së katërt. Një vit më vonë, ai vari këpucët në gozhdë në moshën 35-vjeçare.

"Real Madrid, presidenti dhe bordi drejtues i tij janë thellësisht të trishtuar për ndarjen nga jeta të Javier Dorado, një futbollist i rritur në akademinë e klubit tonë dhe lojtar i ekipit të parë në sezonet 1999-2000.

Real Madrid dëshiron të shprehë ngushëllimet dhe dashamirësinë e tij për familjen e tij, ish-bashkëlojtarët, të afërmit dhe të gjitha klubet ku ai ka luajtur.

Gjatë dy sezoneve që mbrojti fanellën e Real Madridit, Javier Dorado fitoi një Ligë të Kampionëve, atë të tetën në Paris (2000).

Javier Dorado u nda nga jeta në moshën 48-vjeçare. U prehtë në paqe.”

 

Po ndodh...

Dua të lexoj më shumë lajme

ide

top

receta Alfa

TRENDING

shërbime

  • POLICIA129
  • POLICIA RRUGORE126
  • URGJENCA112
  • ZJARRFIKESJA128