Lajme flash
Braktisi foshnjen në bodrumin e pallatit në Yzberisht, arrest shtëpie për 30-vjeçaren
12 Nëntor 2023, 12:17 / AKTUALITET
Gjykata e Tiranës ka caktuar masën e sigurisë “arrest shtëpie” për 30 vjeçaren e cila braktisi foshnjën e saj të porsalindur në një bodrum pallati në Yzberisht.
Me kërkesë të avokatëve mbrojtës, 30-vjeçares do t’i bëhet ekspertiza psikologjike. Kjo e fundit deklaroi më herët se e kishte braktisur foshnjen pasi nuk ishte e martuar dhe familja nuk e dinte.
Ndërkohë foshnja e sapolindur e gjinisë mashkull, humbi jetën mëngjesin e së enjtes në maternitetin “Koço Gliozheni”.
Vetë materniteti “Koço Gliozheni”, bëri me dije se foshnja u soll në një gjendje të rëndë traumatike dhe pasi i është dhënë ndihma e parë, pas shumë përpjekjesh u arrit që të rikthehej në jetë, edhe pse në gjendje të rëndë. Megjithatë, ndërroi jetë në orën 10:45 të së enjtes. Diagnozat klinike të foshnjes ishin: Lindje në term; Lindje per vias vaginalis; Hipotermi e thellë; Politraumë; Hemorragji pulmonare; Insufiçience multiorganore; Arrest kardiorespirator.
Dëshmia e nënës
Në dëshminë për autoritetet, thanë burime policore, e reja ka deklaruar se arsyeja që e ka fshehur shtatzëninë dhe ka braktisur foshnjën, ka qenë për shkak se nuk ka dashur që të merrej vesh nga familja e saj, por edhe opinioni, pasi nuk është e martuar.
Grupi hetimor ka dyshime se 30-vjeçarja e ka lindur foshnjen e vetme në garazhin e pallatit dhe pasi e braktisi u rikthye në banesë. Sa i takon babait të foshnjës, ajo nuk ka dhënë ende asnjë detaj.
Po ndodh...
Amerika mund të tërhiqet nga Europa, por jo nga SPAK
Nga Gentian Gaba
ide
top
receta Alfa
TRENDING 
shërbime
- POLICIA129
- POLICIA RRUGORE126
- URGJENCA112
- ZJARRFIKESJA128