English
Luaj me Fjalëkryq
Lajme flash

Gara për postin e drejtorit të Përgjithshëm të Policisë së Shtetit, aplikantët 7 ditë afat për të dorëzuar kandidaturat!

9 Shtator 2024, 15:05 / AKTUALITET ALFA PRESS

Gara për postin e drejtorit të Përgjithshëm të

Aplikantët për postin e Drejtorit të Përgjithshëm të Policisë së Shtetit kanë 7 ditë afat, duke nisur nga dita e sotme, për të dorëzuar kandidaturat.

Emrat e kandidatëve do të bëhen publikë pas 7 ditësh, pas përfundimit të aplikimeve.

Këto kandidatura do të vlerësohen paraprakisht nga një Komision i Posaçëm, që do të ketë në përbërje një zv.ministër të brendshëm, Sekretari i Përgjithshëm i Ministrisë së Brendshme dhe Drejtori i Përgjithshëm i Agjencisë së Mbikëqyrjes Policore.

Vendimet për kualifikimin ose skualifikimin e aplikantëve merren me shumicën e votave, ndërsa vendimet për vlerësimin e kandidatëve merren individualisht nga çdo anëtar i Komisionit, sipas rregullave të përcaktuara në këtë udhëzim.

Janë disa kritere që duhet të plotësojnë kandidatët që konkurojnë për postin e drejtorit të Policisë së Shtetit: grada e rolit të mesëm drejtues, të ketë shtetësi shqiptare; të mos ketë qenë i dënuar për kryerjen e një vepre penale, me vendim gjyqësor të formës së prerë; të mos ketë marrë masat disiplinore brenda 5 vjetëve të fundit, të jetë në kushte shëndetësore që e lejojnë të kryejë detyrën përkatëse, si dhe të mos ketë konflikt interesi në ushtrimin e detyrës, në përputhje me legjislacionin për konfliktin e interesit.

Komisioni i Posaçëm

Komisioni i Posaçëm i vlerësimit të kandidatëve do të përbëhet nga:

a) Një nga zëvendësministrat, i caktuar nga Ministri i Brendshëm, kryetar;

b) Sekretari i Përgjithshëm i Ministrisë së Brendshme, anëtar;

c) Drejtori i Përgjithshëm i Agjencisë së Mbikëqyrjes Policore, anëtar.

Vendimet për kualifikimin ose skualifikimin e aplikantëve merren me shumicën e votave, ndërsa vendimet për vlerësimin e kandidatëve merren individualisht nga çdo anëtar i Komisionit, sipas rregullave të përcaktuara në këtë udhëzim.

Kandidati për Drejtor të Përgjithshëm të Policisë së Shtetit paraqet dokumente që provojnë se plotëson kushtet e parashikuara në nenin 56, të ligjit për Nr. 82/2024 “Për Policinë e Shtetit”.

Kriteret

Kandidati dorëzon dokumente mbështetëse për secilin prej kushteve ligjore si më poshtë:

a) mban njërën nga gradat e rolit të mesëm drejtues;

b) të ketë shtetësi shqiptare;

c) të mos ketë qenë i dënuar për kryerjen e një vepre penale, me vendim gjyqësor të formës së

prerë;

ç) të mos ketë marrë masat disiplinore të përcaktuara në shkronjat “c”, “ç” dhe “d” të pikës 1 të nenit 123 të ligjit 82/2024 “Për Policinë e Shtetit”, brenda 5 (pesë) vjetëve të fundit;

d) të jetë në kushte shëndetësore që e lejojnë të kryejë detyrën përkatëse .

dh) të mos ketë konflikt interesi në ushtrimin e detyrës, në përputhje me legjislacionin për konfliktin e interesit.

Po ndodh...

Dua të lexoj më shumë lajme

ide

top

receta Alfa

TRENDING

shërbime

  • POLICIA129
  • POLICIA RRUGORE126
  • URGJENCA112
  • ZJARRFIKESJA128