GJKKO i komunikon masën 'arrest me burg' ish shefit të Policisë së Dhërmiut

Gjykata e Posaçme Kundër Korrupsionit dhe Krimit të Organizuar i komunikoi në mëngjesin e së shtunës masën e sigurisë “arrest në burg” ish-shefit të stacionit policor në Dhërmi, Sokol Bode, i arrestuar mbrëmjen e së mërkurës në Berat. Sokol Bode u njoh nga gjykata edhe me dënimin prej 12 vitesh të dhënë në mungesë ndaj tij në muajin prill të këtij viti nga shkalla e parë. Ai u dënua për veprat penale "Kultivimi i bimëve narkotike", "Grupi i strukturuar kriminal" dhe "Trafikimi i narkotikëve".

Ish-shefi i Policisë Sokol Bode, u arrestua në Berat pasi kishte katër ditë që ishte kthyer nga Anglia në vendin e tij të lindjes, në Uznovë të Madhe. Kur Operacionalja ndërhyri për arrestimin e tij, Bode nuk ka bërë rezistencë dhe u është dorëzuar pa probleme autoriteteve. 

Policia kishte arritur të lokalizonte Boden përmes informacioneve operative dhe ishte e sigurt se ai gjendej në Berat. Vetëm një grup i vogël efektivësh ishin në dijeni të këtij operacioni, pasi i druheshin një dekonspirimi të mundshëm, duke ditur që në të kaluarën janë dekonspiruar disa operacione.

Bode ka qenë gjithnjë në vëmendje të publikut dhe medias, pas publikimit të një foto ku shihej përkrah Florian dhe Moisi Habilajt.  Një prej operacioneve më të mëdha për kapjen e Sokol Bodes ka qenë në pikën kufitare të Muriqanit, ku ai ia doli të kalojë jashtë vendit. Së bashku me Gjergj Kohilajn ai akuzohet se me mosveprimet e tij ka lejuar trafikun ndërkombëtar të drogës të udhëhequr nga Habilajt në drejtim të Italisë. Edhe ish ministri i Brendshëm, Saimir Tahiri, po vuan dënimin me burg për përfshirjen me grupin Habilaj.

GJKKO e dënoi Saimir Tahirin me 5 vite burg për ‘Shpërdorim të detyrës’. Por me gjykim të shkurtuar dënimi u ul në 3 vite e 4 muaj burgim.  Tahiri u dënua vetëm për "Shpërdorim detyre" duke i ‘shpëtuar’ akuzave “Korrupsion të zyrtarëve të lartë”, “Trafik të lëndëve narkotike kryer në bashkëpunim” dhe “Grup të strukturuar kriminal".

Në argumentimet e vendimit, Apeli i GJKKO nënvizonte se Tahiri kishte lidhje me Moisi Habilaj dhe Artan Habilaj dhe këto lidhje kanë ndikuar që grupi kriminal të infiltrohej në radhët e punonjësve të policisë dhe të shtetit dhe të pengojë luftën ndaj trafikut të drogës.

Po ndodh...

21:59 POLITIKË

Rama flet për “The Observer”: Shqipëria mund ta ndihmojë BE-në të mbijetojë, po na uli në tryezë

21:55 POLITIKË

Deklarata e fortë e Nikoll Lesit: Opozita po përgatit të hënën protestë të dhunshme

21:53 POLITIKË

Rama “kthehet” 35 vite pas: Nuk kisha asnjë dëshirë që të merresha me politikë

21:45 POLITIKË

Klodiana Lala shpjegon pse SPAK e do patjetër Ballukun të arrestuar

21:30 BOTA

"Reagimi do jetë shkatërrues", Rutte: Ukraina do të jetë vija e parë e mbrojtjes

Nga Blendi Kajsiu 21:24 IDE

"Dënim paraprak për Belinda Ballukun", përgjigje për Baton Haxhiun

Nga Blendi Kajsiu

21:19 POLITIKË

Petro Koçi: Kritikat e Ramës ndaj SPAK mund të shmangeshin!

21:14 POLITIKË

“Po flitet se Belinda Balluku është arratisur”, Belind Këlliçi: Nga informacionet që kemi, rezulton që zv/kryeministrja nuk ndodhet brenda vendit

21:13 POLITIKË

Rëndohen pozitat e Belinda Ballukut! Krahas tenderave, nën hetim edhe për një koncesion. SPAK: Rrezikon të prishë provat

21:00 SPORT

LISTA/ Njihuni me 10 futbollistët më të paguar të Kombëtares sonë

20:40 SPORT

Bruno Fernandes përfundon në listën e dëshirave të klubeve nga Arabia Saudite

20:34 SHOWBIZ

Aktori po ngiste pa patentë, Rolls-Royce godet kameramanin gjatë xhirimeve: Gati sa nuk më...

20:29 POLITIKË

Florjan Binaj i bashkohet Lapajt, përqafimi para Kryeministrisë!

20:16 POLITIKË

“Ora politike po i mbaron”, Tomorri: Përgjimet nxjerrin Ramën në skenë, po rrethohet nga një fuqi që s’e kontrollon

Dua të lexoj më shumë lajme