English
Luaj me Fjalëkryq
Lajme flash

Mbajtja “peng” e gazetarëve në Kapshticë, "Safe Journalists Albania" kritikon veprimet e Greqisë

2 Nëntor 2024, 20:47 / AKTUALITET ALFA PRESS

Mbajtja “peng” e gazetarëve në Kapshticë, "Safe

Rrjeti “Safe Journalists” Albania përmes një postimi në platformën ‘X’ ka shprehur kritiika për mënyrën sesi u trajtuan këtë të shtunë gazetarët e televizionit A2 CNN dhe TV Klan në kufirin me Greqinë, ku për tre orë u mbajtën “peng” nga pala greke.

Të nisur drejt Selanikut me qëllimin për të ndjekur aktivitetin që kryeministri Edi Rama do të zhvillojë me emigrantët shqiptarë atje, grupet e xhirimit u penguan të kalonin kufirin dhe ju mbajtën pasaportat, duke iu komunikuar se për të bërë të mundur vijmin e rrugëtimit duhej një autorizim nga Ministria e Jashtme greke.

“Autoritetet greke u kanë ndaluar sot hyrjen gazetarëve dhe ekipeve televizive shqiptare në pikën kufitare të Kapshticës. #SJN po monitoron nga afër këtë situatë dhe u kërkon zyrtarëve që të lejojnë gazetarët të kryejnë punën e tyre”, thuhet në reagimin e “Safe Journalists Albania”.

Edhe ekspertja e shoqërisë civile, Blerjana Bino reagoi me shqetësim për situatën ku u përfshin gazetarët dhe grupet e xhirimit të televizionit A2 CNN dhe Tv Klan në doganën e Kapshticës.

Në një postim në platformën ‘X’, teksa ngjarja ishte në zhvillim e sipër dhe pala greke mbante të bllokuara pasaportat, ajo shkroi: “Jam në kontakt me gazetaren e A2 CNN dhe kolegët e tyre nga KlanTV , ende të bllokuar për orë të tëra në kufi nga autoritetet greke pa arsye”.

Më vonë pas orës 15:10, kur pala greke u dorëzoi grupeve të xhirimit pasaportat dhe i lejoi të udhëtonin të qetë drejt Selanikut, Bino postoi sërish në platformën ‘X’, duke kritikuar sjellën e policëve kufitare helenë.

“Vetëm pak minuta më parë gazetarët dhe ekipi i tyre u lejuan të kalonin kufirin pas ndërhyrjes së Ministrisë së Jashtme. Bllokimi i gazetarëve me orë të tëra nuk është i pranueshëm, ata duhet të lejohen të raportojnë lirshëm”, shprehet ajo.

 

Po ndodh...

Dua të lexoj më shumë lajme

ide

top

receta Alfa

TRENDING

shërbime

  • POLICIA129
  • POLICIA RRUGORE126
  • URGJENCA112
  • ZJARRFIKESJA128