Ndihmoi dy autorët në vendosjen e tritolit në Sarandë, arrestohet 21-vjeçari. I gjenden armë dhe municion

Një 21-vjeçar është vënë në pranga nga Policia e Sarandës si i dyshuar për përfshirje në atentatin me lëndë plasëse ndaj një shtetasi, ngjarje e ndodhur në muajin shkurt të këtij viti në zonën e Urës së Vrinës në Sarandë.

I riu dyshohet se ka bashkëpunuar me dy persona të tjerë, të shpallur më herët në kërkim, për vendosjen e eksplozivit në automjetin e viktimës së synuar.

Arrestimi u krye në kuadër të operacionit policor të koduar “Identifikimi”, ndërsa gjatë kontrollit në banesën e 21-vjeçarit u sekuestrua edhe një armë zjarri pistoletë me municion luftarak, që mbahej pa leje.

NJOFTIMI – Sarandë, vijojnë veprimet e thelluara hetimore nën drejtimin e Prokurorisë për identifikimin e personave të tjerë të përfshirë në tentativën për vrasje të një shtetasi duke i vendosur lëndë plasëse në automjetin që drejtonte, më datë 05.02.2026.

Si rezultat i hetimeve, u identifikua, u kap dhe u ndalua një 21-vjeçar i dyshuar si bashkëpunëtor i dy autorëve të dyshuar, të shpallur në kërkim më parë për këtë ngjarje.

Gjatë operacionit për kapjen e 21-vjeçarit, Policia gjeti në banesën e tij dhe sekuestroi, në cilësinë e provës materiale, një armë zjarri pistoletë me municion luftarak.

Si rezultat i hetimeve të thelluara dhe intensive, të kryera për identifikimin dhe nxjerrjen përpara përgjegjësisë penale të të gjithë shtetasve të përfshirë në ngjarjen e mëngjesit të datës 05.02.2026, në vendin e quajtur “Kryqëzimi i Urës së Vrinës”, specialistët e Sektorit për Hetimin e Krimeve të Rënda, në bashkëpunim me shërbimet e Komisariatit të Policisë Sarandë, finalizuan operacionin e koduar “Identifikimi”.

Gjatë operacionit u kap dhe u ndalua shtetasi I. K., 21 vjeç, banues në fshatin Shëndëlli, pasi Prokuroria pranë Gjykatës së Shkallës së Parë të Juridiksionit të Përgjithshëm Sarandë ka nxjerrë urdhër ndalimi për të, për veprat penale “Vrasja me paramendim”, mbetur në tentativë, e kryer në bashkëpunim, si dhe “Mbajtja pa leje dhe prodhimi i armëve, armëve shpërthyese dhe municionit”.

21-vjeçari akuzohet si bashkëpunëtor i shtetasve në kërkim G. T. dhe Xh. B., të cilët më datë 05.02.2026  kanë vendosur eksploziv në automjetin që drejtonte shtetasi M. Gj.

Më tej, gjatë operacionit u krye kontroll në banesën e të ndaluarit, ku u gjet një armë zjarri (pistoletë) me municion, e cila posedohej pa leje.

Vijojnë kontrollet për lokalizimin, kapjen dhe ndalimin e dy shtetasve në kërkim. Materialet procedurale iu referuan Prokurorisë së Sarandës për veprime të mëtejshme.

Po ndodh...

Nga Alban Daci 10:26 EDITORIAL

Pse protesta e sotme jo partiake është një thyerje epokale e politikës së vjetër!

Nga Alban Daci

10:19 MISTERE&KURIOZITETE

Alarm për peshqit helmues të fshehur në rërë “trondisin” Spanjën

10:17 SPORT

Nis sot cikli “Maran”, Kombëtarja zbret në fushë për miqësoren e parë përballë Izraelit

09:54 AKTUALITET

Laboratori i kokainës në Frakull të Fierit, SPAK jep pretencën, ja sa vite burg ka kërkuar për kimistin kolumbian

09:37 AKTUALITET

New York Times jehonë protestës në Tiranë: Tejkaloi çështjet mjedisore, u kthye në simbol të pakënaqësive ndaj qeverisë dhe politikës

09:21 POLITIKË

Mediet: Rama tjetër qokë familjes Berisha, Shkëlzeni do të ndërtojë kullën te Pallati i Kongreseve!

09:07 AKTUALITET

Rikthehet në detyrë Sekretari i Përgjithshëm i Bashkisë së Tiranës, Alban Dokushi

08:52 POLITIKË

Protesta e madhe jo partiake, Rama u kujton 83 mandatet: Shqipëria do të bëhet sipas kontratës që kemi lidhur për herën e katërt

08:40 AKTUALITET

E rëndë në Maliq, 60-vjeçari gjendet i pajetë në banesë, policia nis hetimet

08:30 BOTA

Horror në Itali! Refuzuan të paguanin biletën, emigrantët nga Afganistani dhe Pakistani digjen të gjallë brenda një furgoni

08:27 EKONOMI&SOCIALE

Këmbimi valutor sot/ Me sa lekë blihen e shiten valutat kryesore, çfarë ndodh me monedhat e tjera

08:16 AKTUALITET

Kushte atmosferike të qëndrueshme dhe vranësira kalimtare, parashikimi i motit për këtë të mërkurë

08:10 JETË

Horoskopi Ditor E Mërkurë 3 Qershor 2026

00:07 POLITIKË

Eksperti dhe profesori amerikan Serwer: Vuçiç po pret mundësinë për të marrë veriun e Kosovës, Shqipëria të vendosë më shumë trupa

Dua të lexoj më shumë lajme