English
Luaj me Fjalëkryq
Lajme flash

Nuredin Dumani zbulon njohjen me Enver Divën në GJKKO, tregon bisedat: Për vrasje flisnim, jo për deputetë! Kush ishte i pari në listë

25 Shkurt 2025, 17:01 / AKTUALITET ALFA PRESS

Nuredin Dumani zbulon njohjen me Enver Divën në GJKKO, tregon bisedat:

I penduari i drejtësisë Nuredin Dumani , tregoi sot gjatë seancës në GJKKO njohjen e tij me Enver Divën, i akuzuar për vrasjen dy vëllezërve Besmir e Viktor Haxhia në Durrës.

I pyetur nga avokatja e Enver Divës, Dumani zbuloi se është njohur me Enverin që prej vitit 2020.

Ai tha se e ka njohur atë përmes Alban Skonjës, me të cilin ka qenë në burg dikur.

Dumani tha se ka biseduar me Enverin dhe Skonjën për vrasjen e Mir Haxhisë, por më vonë sipas tij Skonja u tërho.

“Ata kërkuan kapar, por nuk i njihja, mendoja mos më gënjenin. I kam dhënë veç 5 mijë euro në Fushë Krujë Enver Divës. Aty ka ardhur Veri bashkë me Besian Xhixhën”, tha Dumani.

“Për vrasje flisnim me Enver Divën , se nuk flisnim për deputetë. Ne komunikonim për ngjarje të ndryshme, për vrasje, plagosje”, i tha Dumani avokates.

Pjesë nga dëshmia e Nuredin Dumanit në GJKKO i pyetur nga avokatja e Enver Divës:

Avokatja e Enver Divës: Si je njohur me Enver Divën?

D: E kam njohur në 2020 nga një person tjetër, Alban Skonja, me të cilin kam qenë në burg dikur.

Av: C’marrëdhënie kishte Skonja me Divën?

D: Ishin shokë prej 2013. Skonja vite tek une. Më kërkonte punë të ndryshme, grabitje, vjedhje, mall. Unë nuk kisha punë tjetër për ti dhënë. Nuk i besoja shumë, se ishte konsumator heroine. I thashë: A mund të bësh një vrasje? I thashë, po të thashë emrin do mbash përgjegjësi. I thashë për Mir Haxhinë.

Ai më tha “do flas me shokët e tij e do të them”. Ai ka shkuar ka takuar Enver Divën dhe pastaj erdhën më takun në Shënavlash.

Biseduam aty me Enverin dhe Skonjën për vrasjen e Mir Haxhisë, por më vonë Skonja u tërhoq.

Ata kërkuan kapar, por nuk i njihja, mendoja mos më gënjenin. I kam dhënë veç 5 mijë euro në Fushë Krujë Enver Divës. Aty ka ardhur Veri bashkë me Besian Xhixhën.

D: Po atë kishte shok. Më tha që ai e bënte punën, pasi bënte vrasje me pagesë.

Av: A e konsiderove të besueshën Enver Divën?

D: Derisa i dhashë kapar i besova. Unë isha punëdhënësi, ai ishte punëmarrësi.

Av: Sa i gatshëm u tregua Enver Diva?

D: Fillimisht u tregua shumë i gatshëm. Unë i dhashë shofer Klevis Allën.

Av: Çfarë flisnit me Enver Divën?

D: Për vrasje flisnim, se nuk flisnim për deputetë. Ne komunikonim për ngjarje të ndryshme, për vrasje, plagosje.

Av: A na e përshkruan listën rendore të atyre që do vrisnit.

D: I pari ishte Dorian Shkoza, i fundit Bujar Çela.
Nuk ka pasur radhë. Ishin 20-30. Kush ishte objektiv më i lehtë vritej i pari.

Av: Pse do të vrisnit Bujar Çelën, se thanë që është në listë?

D: Sepse ishte vëllai o Talos, i shërbente atij.

Av: Pse nuk ti dha lekët direkt Alibej?

D: Se unë isha në kërkim. Unë isha për Klevis Kapllanin aty, dy të tjerët janë paguar.

 

Po ndodh...

Dua të lexoj më shumë lajme

ide

top

receta Alfa

TRENDING

shërbime

  • POLICIA129
  • POLICIA RRUGORE126
  • URGJENCA112
  • ZJARRFIKESJA128