Nxënëset e kolegjit “Mehmet Akif” në protestë, nxjerrin medaljet dhe certifikatat e firmosura nga Rama

23 Shtator 2022, 12:06 / AKTUALITET ALFA PRESS

Nxënëset e kolegjit “Mehmet Akif” në protestë,

Nxënës të kolegjit “Mehmet Akif” janë ngritur sot në shenjë proteste kundër vendimit të qeverisë për mbylljen e shkollës.

Me pankarta në duar me parulla kundër qeverisë, nxënësit pohuan se në 3 minuta që është marrë vendimi nga Ministria e Arsimit, janë shkatërruar 3 vite sukses. Madje në shenjë revolte, nxënësit kanë nxjerrë të gjithë certifikatat dhe medaljet e tyre.

 “Kur marrim ne medalje nëpër botë, krenoheni me ne kolegjistët. Nëse doni të shkatërroni një vend, nuk është e nevojshme bomba, por të shkatërroni arsimin. Kështu na erdhi si bombë ky lajm. Dje i dhatë goditje fatale arsimit. Sot jemi më të vendosura se kurrë, ne nuk dorëzohemi. Shkollën s’mund të na e merrni. Anuloni vendimin kundër shkollës “Mehmet Akif”.”, tha një prej nxënësve protestuese.

Mësuesit e këtij kolegji thanë se pa pritur dhe pa kuptuar erdhi vendimi i qeverisë, ku kërkohej që të mbyllej shkolla.

“I këshilloj të gjithë, ministren, kryeministrin, që të mësojnë se si mësohet mësonjëtorja, gjuha shqipe”, tha mësuesi.

 

 

Po ndodh...