Lajme flash
Pas 7 vitesh Vetingu drejt fundit, mbeten vetëm 6 prokurorë e gjyqtarë për të kaluar në sitë!
13 Tetor 2024, 21:18 / AKTUALITET
Pas 7 vitesh punë, Komisionit të Pavarur të Kualifikimit i kanë mbetur për të kaluar në sitë edhe vetëm 6 prokurorë dhe gjyqtarë, nga 805 magjistratë që pati për detyrë t’u kontrollonte pasurinë, figurën dhe profesionalizmin.
Nga shkurti i vitit 2018 deri në 11 tetor 2024, KPK, ndryshe Shkalla e Parë e Procesit të Vetingut konfirmoi 368 prokurorë, gjyqtarë e ndihmës ligjorë dhe shkarkoi plot 267.
Bashkë me këta të fundit, nga sistemi u larguan përfundimisht edhe 105 prokurorë e gjyqtarë të tjerë që zgjodhën të jepnin dorëheqjen duke mos u përballuar me vetingun. Kështu, sistemit iu krijuan 273 vakanca.
Ndërkohë, KPK dërgoi sërish në shkollën e Magjistraturës dy prokurorë për probleme me profesionalizmin dhe pushoi ose doli pa vendim përfundimtar për 57 prokurorë e gjyqtarë të cilët kishin paqartësi nëse e mbanin ende statusin e magjistratit.
Procesi i vetingut nuk solli vetëm shkarkime si pasojë për magjistratët, pasi në maj të 2020-ës, SPAK njoftoi se kishte marrë nën hetim 10 ish-gjyqtarë të Gjykatës së Lartë dhe Kushtetueses me bazë vendimet e tyre të shkarkimit nga KPK.
Për 5 prej tyre, Gjykata e Posaçme ka dhënë vendime dënimi, ka sekuestruar pasurinë, apo është duke i gjykuar për mosdeklarim të pasurisë.
KPK përfundon mandatin në dhjetor të këtij viti.
Po ndodh...
Amerika mund të tërhiqet nga Europa, por jo nga SPAK
Nga Gentian Gaba
ide
top
receta Alfa
TRENDING 
shërbime
- POLICIA129
- POLICIA RRUGORE126
- URGJENCA112
- ZJARRFIKESJA128