Protestat për Zvërnecin, reagon kompania investuese, flet për REL: Zotohemi që do respektojmë proceset publike

Kjo përgjigje erdhi pasi REL-i iu drejtua kompanisë së lidhur me Kushnerin, Affinity Partners, pas protestave tashmë disaditore në Shqipëri kundër një projekti turistik në Zvërnec, pranë Vlorës.

“Fokusi ynë mbetet te kujdesi i përgjegjshëm, përmirësimi mjedisor, krijimi i vendeve të punës dhe krijimi i vlerës afatgjatë për komunitetet lokale”, tha për Radion Evropa e Lirë Asher Abehsera, kryetar i Sazan Real Estate Development LLC.

“Jemi të entuziazmuar për mundësinë për të krijuar një destinacion të klasit botëror dhe për të realizuar një nga investimet më të mëdha private në historinë e rajonit”, shtoi ai.

Protestat në Zvërnec kundër punimeve për një projekt turistik në zonën Pishë Poro-Nartë, në jugperëndim të Shqipërisë nisën javën e kaluar. Kjo zonë është pjesë e një peizazhi të mbrojtur me rëndësi kombëtare dhe ndërkombëtare.

Protestat vazhduan edhe të martën në kryeqytetin Tiranë, me thirrje për anulimin e projektit dhe dorëheqjen e kryeministrit Edi Rama.

Banorë të zonës, qytetarë dhe përfaqësues të shoqërisë civile kanë ngritur shqetësime për ndikimin në mjedis, pronësinë e tokës dhe transparencën e investimit.

Ndërkohë, organizatat për mbrojtjen e mjedisit kanë nisur edhe mbledhjen e nënshkrimeve përmes një peticioni online.

Por, kryeministri Rama e ka mbrojtur projektin dhe ka thënë se ai nuk do të ndalet për sa kohë është kryeministër.

Rama tha po ashtu se Struktura e Posaçme kundër Korrupsionit dhe Krimit të Organizuar, SPAK, ka bllokuar një transaksion prone të lidhur me projektin. SPAK-u nuk e ka konfirmuar publikisht bllokimin e ndonjë transaksioni.

SPAK-u më 1 qershor konfirmoi se ka nisur një hetim lidhur me Zvërnecin, por nuk dha hollësi se çfarë po hetohet saktësisht.

Projekti ka marrë vëmendje edhe për shkak të deklarimeve të mëhershme të Kushnerit. Në mars të vitit 2024, ai tha se synon të ndërtojë hotele dhe qindra vila në zonën e Zvërnecit.

Kompania e Kushnerit mori statusin e investitorit strategjik në dhjetor të vitit 2024 për ndërtimin e një resorti luksoz në ishullin e Sazanit. Vendimi u mor nga Komiteti i Investimeve Strategjike, i drejtuar nga Rama.

Sa i përket Zvërnecit, Rama tha të martën se Kushner “nuk ka bërë kërkesë për të qenë investitor strategjik”./ REL

Po ndodh...

20:25 POLITIKË

Protestuesit nuk i kursejnë batutat ndaj Ramës dhe Berishës me pankratën pikante: Deri sa vdekja t'i ndajë

20:18 AKTUALITET

Aksident në aksin Laç–Patok, humb jetën 37-vjeçari

20:03 POLITIKË

Në 35-vjetorin e PS, Rama “lan duart” me Veliajn: Nuk kërkojmë lirimin e tij

19:54 BOTA

E zbulon Hakan Fidan: Trump do t'i bashkohet samitit të NATO-s në Ankara

19:46 POLITIKË

Rama: Bëmë ligjin për hapjen e dosjeve të komunizmit, partia jonë u përball me të keqen në opozitë

19:35 SPORT

E papritur për Xhaka & Co., lideri i Zvicrës nuk lejohet të udhëtojë drejt SHBA për Botërorin dhe e lënë në aeroport

19:13 AKTUALITET

Protestuesit parashtrojnë kërkesat: Nuk negociojmë mbi pasuritë e shqiptarëve

18:56 POLITIKË

Protesta për Zvërnecin/ E reja tenton të hapë derën e Kryeministrisë, ndërhyn Policia

18:49 POLITIKË

“Turp, turp. S’ka dialog”/ Protestuesit ngrenë në këmbë bulevardin: Shqipëria është e jona. Ju jeni hajdutë!

18:42 AKTUALITET

Masakra e 21 janarit/ Kush e dha urdhrin për të qëlluar drejt protestuesve? SPAK çon në SHBA për ekspertizë audioregjistrimin e komandantëve të Gardës

18:28 POLITIKË

“Në Kryeministri ta ngrejmë flamurin”/ Rama i ftoi në dialog, qytetarët i përgjigjen prerë nga protesta: Jep dorëheqje!

18:24 POLITIKË

Qytetarët mbushën dje Bulevardin/ Nis protesta e tretë jo partiake, pjesëmarrje e madhe

18:22 BOTA

Irak/ Dy ushtarë amerikan dhe një britanik humbin jetën gjatë stërvitjes

17:57 AKTUALITET

Gjykata e Posaçme dënon me burg Florenc Çapjan dhe dy të tjerë

Dua të lexoj më shumë lajme