English
Luaj me Fjalëkryq
Lajme flash

Shisnin drogën në Tiranë dhe e trafikonin në Kosovë, 5 arrestohen dhe 5 shpallen në kërkim

13 Mars 2025, 13:54 / AKTUALITET ALFA PRESS
Shisnin drogën në Tiranë dhe e trafikonin në Kosovë, 5

Policia e Shtetit ka finalizuar operacionin policor të koduar “Tentakulat”, që ka goditur një grup kriminal të përfshirë në shitjen dhe trafikimin e cannabisit. Hetimet kanë zbuluar se grupi ka vepruar që nga viti 2019, duke shitur lëndën narkotike në lokale në Tiranë dhe duke e trafikuar në Kosovë.

Pjesëtarët e grupit janë identifikuar si shtetas të ndryshëm, ndërsa janë arrestuar 5 prej tyre dhe janë shpallur në kërkim 5 të tjerë. Operacioni ka çuar në arrestimin e personave të përfshirë, të cilët akuzohen për veprime kriminale lidhur me narkotikët, duke përdorur si pikë shitjeje lokale në Tiranë dhe duke transportuar drogën drejt Kosovës.

Në kuadër të këtij operacioni, janë arrestuar: D. U. (45 vjeç), A. G. (47 vjeç), M. Gj. (56 vjeç), Y. T. (51 vjeç) dhe R. D. (30 vjeç). Ndërkohë, janë shpallur në kërkim shtetasit A. D. (51 vjeç), A. D. (48 vjeç), N. G. (35 vjeç), E. T. (24 vjeç) dhe I. P. (34 vjeç). Në pranga kanë rënë shtetasit Dritan Uka, Alban Grori alias Alban Gruri, Mehdi Gjoka, Ylber Tahiri alias Ylli Hida dhe Ramazan Doçi.

Grupi ka siguruar Cannabis Sativa nga zona të ndryshme në Krujë dhe Dibër, për ta shitur në Tiranë dhe për ta trafikuar në Kosovë. Hetimet janë duke vazhduar për të zbuluar më shumë detaje dhe për të çuar përpara përgjegjësisë penale të gjithë pjesëtarët e grupit. Materialet janë referuar Prokurorisë për veprime të mëtejshme.

Finalizohet operacioni policor i koduar “Tentakulat”, për goditjen e një grupi kriminal të implikuar që prej vitit 2019, në shitje dhe trafikim të Cannabisit.

Identifikohen 10 pjesëtarë të grupit, të cilët e shitnin lëndën narkotike në lokale, në Tiranë, dhe e trafikonin në Kosovë.

Vihen në pranga 5 prej tyre. Shpallen në kërkim 5 të tjerët.

Në kuadër të operacionit “Tentakulat”, Drejtoria për Hetimin e Krimit të Organizuar e Departamenti të Policisë Kriminale të DPPSh-së, në bashkëpunim me DVP Tiranë dhe me DVP Dibër, si dhe në drejtimin e Prokurorisë së Tiranës, ekzekutoi masën e sigurisë “Arrest në burg”, të caktuar nga Gjykata e Tiranës, për shtetasit: D. U., 45 vjeç; A. G. alias A. G., 47 vjeç; M. Gj., 56 vjeç; Y. T. alias Y. H., 51 vjeç dhe R. D., 30 vjeç.

Gjithashtu, në kuadër të këtij operacioni, janë identifikuar dhe shpallur në kërkim shtetasit A. D. alias A. D., 51 vjeç, A. D., 48 vjeç, N. G., 35 vjeç, E. T., 24 vjeç dhe I. P., 34 vjeç.

Këta shtetas akuzohen se të organizuar si grup, që nga viti 2019, kanë siguruar lëndë narkotike Cannabis Sativa, nga zona të ndryshme në Krujë dhe Dibër, dhe më pas e kanë shitur në lokale, në Tiranë, dhe e kanë trafikuar në Kosovë. Nga hetimet dyshohet se 10 shtetasit janë bashkëpunëtorë për kryerjen e këtyre veprave penale, me 11 shtetas të identifikuar nga Policia e Gjirokastrës, gjatë operacionit policor të koduar “Crossborder line”, në muajin nëntor 2024.

Punohet për nxjerrjen përpara përgjegjësisë penale, të të gjithë pjesëtarëve të grupit.

Materialet procedurale iu referuan Prokurorisë, për veprime të mëtejshme.

Po ndodh...

Dua të lexoj më shumë lajme

ide

top

receta Alfa

TRENDING

shërbime

  • POLICIA129
  • POLICIA RRUGORE126
  • URGJENCA112
  • ZJARRFIKESJA128