The Times: Turizmi në Shqipëri, në nivelet e Greqisë dhe Kroacisë

Ujëra të kristaltë, vende që janë pjesë e trashëgimisë botërore të UNESCO-s.

Një Shqipëri që po i largohet reputacionit të lidhur me krimin e organizuar.

Një vend që po krahasohet me Greqinë dhe Kroacinë teksa turizmi po i rikthet normalitetit pas pandemisë.

Kështu e nis prestigjiozja “The Times” artikullin e saj referuar turizmit në Shqipëri dhe rritjes së interesit së shtetasve britanik ndaj vendit.

Linjat ajrore po rrisin frekuencat e fluturimeve dhe kompanitë e pushimeve po prezantojnë ture të reja.

“Times” ka kontaktuar ekspertët e udhëtimit të cilët shprehen se media sociale është një forcë e fortë shtytëse pas rritjes së interesit.

“Ata janë përdorues të mëdhenj të mediave sociale dhe kanë përfituar nga kjo”, tha Ellie Marr, një specialiste për Shqipërinë në Regent Holidays.

Sipas saj, në të kaluarën interesi vinte nga njerëzit që donin të zbulonin Shqipërinë si një destinacion i prekur nga komunizmi.

“Tani është rasti që njerëzit e kanë parë në foto, kanë dëgjuar për të dhe e kuptojnë se është një vend mahnitës për bregdetin dhe bukurinë e tij natyrore. Mediat sociale kanë pasur një efekt të madh”.

Videot në platformën TikTok që shfaqin Ksamilin janë parë më shumë se 60 milionë herë.

Marr, e cila sapo është kthyer nga pushimet e saj familjare në Shqipëri tha se ishte diversiteti i peizazheve, duke përfshirë vijën e bukur bregdetare, që e tërhoqi atë.

“Për sa i përket peizazhit, është një kombinim i Greqisë, Kroacisë dhe Malit të Zi”, shtoi ajo.

Skyscanner, platforma më e madhe e prenotimeve të fluturimeve në botë, tha se rezervimet nga viti në vit për në Shqipëri janë rritur 96 për qind, krahasuar me të njëjtën periudhë të 2019-ës, viti i fundit i udhëtimeve para pandemisë.

EasyJet kishte planifikuar të nisë fluturime direkte tre herë në javë nga Gatwick në Tiranë në maj të 2020-ës, por kjo u vonua për shkak të pandemisë.

Linja ajrore tani fluturon direkt gjashtë herë në javë.

Në të gjitha linjat ajrore numri i fluturimeve drejt vendit është rritur.

Në korrik 2019, 76 fluturime, me 14 mijë vende u nisën nga Britania e Madhe për në Shqipëri, sipas Cirium, një kompani analitike fluturimi.

Ky numër u rrit në 207 fluturime – muajin e kaluar – me 39 mijë e 600 vende.

Original Travel ka disa vite që organizon pushime në vend dhe po parashikon një bum turistik.

“Jemi të sigurt se do të fillojë të ketë një vërshim në Shqipëri. Sigurisht që ne po e shtyjmë atë si një alternativë ndaj Kroacisë, Sllovenisë dhe Malit të Zi”, tha Tom Barber, bashkëthemeluesi i kompanisë duke shtuar se vendi është një opsion i shkëlqyeshëm

Po ndodh...

08:59 AKTUALITET

Tritol makinës në Tiranë, zbulohet emri i pronarit të makinës! Dyshimet e para

08:40 AKTUALITET

Tronditet Tirana! Hidhet në erë makina e parkuar në oborrin e banesës

08:38 BOTA

Horror në Greqi! Vajza drogohet, abuzohet seksualisht nga kusheriri i saj dhe grabitet

08:31 EKONOMI&SOCIALE

Këmbimi valutor 19 dhjetor/ Me sa blihen e shiten dollari dhe euro, çfarë ndodh me monedhat e tjera

08:27 POLITIKË

SPAK kërkon arrestimin e Ballukut, mblidhet sot Këshilli i Mandateve për shqyrtimin e imunitetit të zv.kryeministres

08:17 AKTUALITET

Kushte armosferike të qëndrueshme me kthjellime e vranësira kalimtare, parashikimi i motit për këtë të premte

08:02 JETË

Horoskopi Ditor E Premte 19 Dhjetor 2025

00:04 SPORT

Ernest Muci gati të thyejë një rekord unikal në kampionatin turk

00:03 Fjalëkryq

Skemë e lirë 19 dhjetor

23:58 AKTUALITET

Mërtiri: Tenderat e AKSHI-t kanë vëmendje të madhe nga krimi i organizuar, sepse fitimi është marramendës

23:55 SPORT

Superkupa e Italisë/ Napoli i Contes fiton duelit ndaj Milanit dhe shkon në finale

23:38 POLITIKË

Berisha publikon pamjet: Balluku qëndroi në zyrë deri në orën 22:36, duke prishur provat

23:16 AKTUALITET

Në kërkim nga Gjermania/ Kapet në Francë shqiptari, anëtar i “Bandës së Çekiçit”

23:06 SPORT

Conference League/ Humbje të ëmbla për skuadrat shqiptare, Shkëndija dhe Drita në Play Off

Dua të lexoj më shumë lajme