English
Luaj me Fjalëkryq
Lajme flash

Vrasja e Egli Progës, gazetarja Anila Hoxha ngre pikëpyetje: Nëse dikush të kërkon t’i dredhësh një duhan…

14 Gusht 2024, 21:52 / AKTUALITET ALFA PRESS

Vrasja e Egli Progës, gazetarja Anila Hoxha ngre pikëpyetje: Nëse
Gazetarja Anila Hoxha përmes një postimi në llogarinë e saj në “Facebook” ka ngritur disa pyetje në lidhje me vrasjen e 42-vjeçarit, Egli Proga në Pogradec, i cili u dhunua për vdekje nga Denis Meçe. Hoxha ngriti pyetjen se përse vallë gjykata e konsideron Denis Mecen, person me rreziku për të ndikuar në marrjen dhe vërtetësinë e provave?

Ajo më tej ngriti pyetjen se përsë dëshmitarët po hetohen për moskallëzim krimi ndërsa theksoi se ata thanë të vërtetën se disa ishin të pirë si dhe nuk e njihnin viktimën. Hoxha gjithashtu vuri në pikëpyetje se përse nuk u bë testi alkool-matës që shkenca të jetë në një frekuencë me fjalën e tyre.

Ndër pyetjet e tjera që ngriti gazetarja ishte se përse kamerat e sigurisë nuk punonin dhe u përftuan pamje prej saj. Mes pyetjeve të shumta në lidhje me këtë ngjarje gazetarja nxori edhe një mësim të cilin e ndau edhe me ndjekësit e saj: Nëse dikush të kërkon t’i dredhësh një duhan, dridhe e mos bëj zë”.

Reagimi i plotë: 

M’a dridh nje duhan ! Përse vallë gjykata e konsideron Denis Mecen,person me rrezikun për të ndikuar në marrjen dhe vërtetësinë e provave? Përse dëshmitarët po hetohen për moskallëzim krimi? Nëse ata kanë thënë të vërtetën se ishin disa të pirë që nuk e njihnin autorin dhe as viktimën, përse nuk u bë testi alkool-matës që shkenca të jetë në një frekuencë me fjalën e tyre? Përse nuk janë sekuestruar kuponat dhe faturat tatimore,që të kuptohet sa birra kishin konsumuar këta të “dehurit”?

Përse nuk punonte kamera e sigurisë dhe përse nuk u përftuan pamje prej saj? Përse dy njerëz që sipas dëshmive nuk e njihnin njëri- tjetrin, njëri do i kërkonte tjetrit ti dridhte një duhan?Dhe viktima iu bind menjëherë,ia drodhi cigaren dhe pastaj duke i thënë “mos të bënte si i fortë”,e shau. Përse policia u njoftua 15 minuta me vonesë? Përse mungojnë dëshmitarët e tjerë që të tregojnë se i ndjeri është parë duke konsumuar alkool në lokalin e tij? Përse prokurorja e cështjes e ndryshoi akuzën? E të tjera… Por ti i dashur ndjekës, kur t’a lexosh këtë statusin ki parasysh mësimin që nxorrëm nga vrasja e Englantin Progës “Nëse dikush të kërkon t’i dredhësh një duhan, dridhe e mos bëj zë”!

 

Po ndodh...

Dua të lexoj më shumë lajme

ide

top

receta Alfa

TRENDING

shërbime

  • POLICIA129
  • POLICIA RRUGORE126
  • URGJENCA112
  • ZJARRFIKESJA128