Donald Trump: Nuk shqetësohem për rritjen e çmimit të karburantit, operacioni kundër Iranit është më i rëndësishëm

Presidenti i SHBA, Donald Trump, deklaroi sot se nuk është i shqetësuar për rritjen e çmimeve të karburanteve në SHBA, si pasojë e sulmeve ndaj Iran dhe kundërpërgjigjeve iraniane në vendet e Lindjes së Mesme. Në një intervistë ekskluzive për agjencinë e lajmeve Reuters, ai theksoi se përparësi mbetet operacioni ushtarak.

“Nuk kam as shqetësimin më të vogël për këtë”, tha ai kur u pyet për rritjen e çmimeve në pikat e karburantit. “Do të bien shumë shpejt sapo kjo të përfundojë. Dhe nëse rriten, le të rriten. Kjo është shumë më e rëndësishme sesa të rritet pak çmimi i benzinës.”

Presidenti amerikan kishte përmendur së fundmi një afat prej 4-5 javësh për operacionin ushtarak kundër Iranit. Megjithatë, analistë politikë dhe ushtarakë e vënë në dyshim këtë vlerësim, duke theksuar se administrata amerikane ende nuk e ka sqaruar objektivin përfundimtar të operacionit, ndërsa konflikti po përhapet në Lindjen e Mesme.

Në intervistën për Reuters, Trump tha gjithashtu se nuk po shqyrton lirimin e një pjese të rezervave strategjike të naftës të SHBA-së. Ai shprehu bindjen se Ngushtica e Hormuzit, një rrugë detare me rëndësi strategjike për transportin e naftës pranë brigjeve të Iranit, do të mbetet e hapur, pasi sipas tij flota iraniane ndodhet “në fund të detit”.

Çmimet e naftës në tregjet ndërkombëtare janë rritur me rreth 16% që nga fillimi i luftës të shtunën.

Në SHBA, çmimi mesatar i benzinës është rritur me 27 cent krahasuar me javën e kaluar, duke arritur në 3,25 dollarë për gallon, sipas Shoqatës Amerikane të Automobilave. Ky nivel është gjithashtu 15 cent më i lartë krahasuar me të njëjtën periudhë të vitit të kaluar.

Nga ana e tij, Trump deklaroi se çmimet “nuk janë rritur shumë”. Shtëpia e Bardhë beson se sulmet ndaj Iranit dhe pasojat që ato sjellin në tregun e karburanteve, nuk do të zgjasin shumë.

Megjithatë, analistët politikë paralajmërojnë se nëse rritja e çmimeve të karburanteve vazhdon për një periudhë të gjatë, kjo mund të dëmtojë republikanët në zgjedhjet e ndërmjetme të nëntorit, ku do të vendoset kontrolli i Kongresit të SHBA-së. Votuesit janë tashmë të pakënaqur me koston e lartë të jetesës dhe politikat ekonomike të Trump.

Po ndodh...

00:00 Fjalëkryq

Skemë e lirë 6 mars

22:46 POLITIKË

“Rama ha darka, ata godasin institucionet”/ Sejamini: Protestat e PD, zero rezultat

22:40 BOTA

Nuk ndalet presidenti Trump: Pas Iranit, radhën e ka Kuba

22:36 AKTUALITET

Plagosi me armë zjarri në këmbë 45-vjeçarin, vihet në pranga brenda pak minutash autori

22:26 POLITIKË

“Të bëhemi më radikalë”/ Këlliçi paralajmëron përshkallëzim të protestave: Të ngujohemi në Parlament…

22:18 KOSOVA

Zbulohet emri i kandidatit të dytë për President të Kosovës, ja kush do të jetë përballë Glauk Konjufcës

22:08 POLITIKË

“Albana, për ty kam 0900”, Belind Këlliçi: Deklarata tronditëse, Balla e ka vuajtur në kurriz

21:55 POLITIKË

Nazarko për ndryshimet në qeveri: Mungojnë argumentet e Ramës, Berisha fajtor pse nuk i ndaloi

21:41 AKTUALITET

Shkodër, sherr pranë një servisi, qëllohet me armë zjarri në këmbë 45-vjeçari

21:32 SPORT

Makinë luksoze që kap vlerën 500 mijë euro, Mitaj zbulon “bishën” e tij

21:08 AKTUALITET

Policia blindon Vlorën, kontrolle të befasishme në automjete e persona të dyshimtë

20:54 POLITIKË

Kuvendi në proces votimi, opozita braktis seancën pas debateve me mazhorancën për fyerjen ndaj Vokshit

20:40 SPORT

Real Madridi synon transferimin e super yllit anglez nëse dështojnë me Rodrin

20:39 BOTA

Trump shkarkon Sekretaren e Sigurisë Kombëtare, Kristi Noem

Dua të lexoj më shumë lajme