Misteri/ U gjet i vrarë me armë zjarri në banesë në Itali, identifikohet i riu shqiptar (Emri)

2023-06-03 15:46:43 / AKTUALITET ALFA PRESS

Misteri/ U gjet i vrarë me armë zjarri në banesë në
Identifikohet 20-vjeçari shqiptar që u gjet i pajetë në një banesë në Itali. Mediat italiane raportojnë se bëhet fjalë për shtetasin Enriko Aliaj. I riu u gjet i vrarë me një plagë të shkaktuar nga arma e zjarrit në shtëpinë e tij në Ponte dell’Olio, në zonën e Piaçenza-s.

Ndërkohë, i dyshuari kryesor është vëllai i viktimës 18-vjeçar, i cili jetonte me të së bashku me prindërit dhe një motër më të vogël. Ndonëse ende nuk dihen motivet, policia po heton për një ngjarje me dashje, por nuk përjashton dhe aksidentin tragjik. Prokuroria Publike e Piacenzas ka hapur dosjen e vrasjes në lidhje me vdekjen e 20-vjeçarit Aliaj mbrëmjen e djeshme.

Në shtëpi në atë moment, përveç viktimës dhe vëllait të tij, ndodhej edhe një person i tretë, mik i dy të rinjve, i cili fillimisht është larguar por më pas është identifikuar nga karabinierët e Piacenza-s që po hetojnë rastin.

Happening now...