Nën hetim për deklarim të rremë të pasurisë, Prokuroria e Durrësit dërgon në gjyq ish-prokurorin

2023-12-11 13:36:29 / AKTUALITET ALFA PRESS

Nën hetim për deklarim të rremë të pasurisë,
Prokuroria e Durrësit ka përfunduar hetimet dhe ka dërguar në gjyq ish-prokurorin Petrit Fusha pasi ishte hetuar për deklarim të rremë të pasurisë.

Në funksion të hetimeve të procedimit penal nr. 2733/2019, në ngarkim të të pandehurit, rezulton se janë përfunduar hetimet lidhur me akuzën “Refuzimi për deklarimin, mosdeklarimi, fshehja ose deklarimi i rremë, i pasurive të personave të zgjedhur dhe nëpunësve publik, ose i çdo personi që ka detyrim ligjor për deklarim”, parashikuar nga neni 257/a, pgr. 2, i Kodit Penal dhe në datën 05.12.2023 çështja i është dërguar Gjykatës së Shkallës së Parë të Juridiksionit të Përgjithshëm Durrës për shqyrtim”, thuhet në njoftim.

Gjithashtu sqarohet se ish-prokurori Fusha ka qenë me detyrën e prokurorit dhe në bazë të ligjit iu nënshtrua procesit të rivlerësimit.

Happening now...