FLASH NEWS
Policia publikon pamjet, momenti kur Lulzim Berisha zbret në Rinas me pranga në duar. RENEA “blindon” aeroportin
2025-03-18 23:34:07 / AKTUALITET
Policia e Shtetit ka publikuar pamjet e ekstradimit nga Spanja të ish-kreut të Bandës së Durrësit, Lulzim Berisha, 54 vjeç.
Ai mbërriti në aeroportin ndërkombëtar “Nënë Tereza” rreth orës 22.45 me pranga në duar dhe nën masa të rrepta sigurie. RENEA “blindoi” aeroportin e Rinasit.
Lulzim Berisha u dërgua në ambientet e burgut 313.
Njoftimi i Policisë:
Ekstradohet nga Spanja, një shtetas me rrezikshmëri shoqërore të lartë, i akuzuar për disa ngjarje kriminale kundër jetës.
Operacioni për kapjen e tij në Spanjë, i koduar “Sant Joan”, u finalizua më 14 dhjetor 2023, si rezultat i bashkëpunimit të ngushtë ndërmjet FAST Albanias dhe FAST Spanjës.
Në vijim të këtij bashkëpunimi, Interpol Tirana dhe Interpol Madridi finalizuan procedurën për ekstradimin nga Spanja në Shqipëri, të shtetasit shqiptar, të shpallur në kërkim ndërkombëtar, L. B., 54 vjeç.
Në vitin 2020, atij i është caktuar nga Gjykata e Posaçme e Shkallës së Parë për Korrupsionin dhe Krimin e Organizuar, masa e sigurisë “Arrest në burg”, për veprat penale “Vrasja me paramendim”, “Vrasja në rrethana cilësuese”, kundër 2 ose më shumë personave dhe “Mbajtja pa leje dhe prodhimi i armëve, armëve shpërthyese dhe i municionit”, të kryera në formën e grupit të strukturuar kriminal.
Në bashkëpunim me shtetas të tjerë, 54-vjeçari dyshohet se:
-në vitin 2004, ka plagosur me armë zjarri, shtetasit V. L. dhe Xh. N.;
-në vitin 2005, në afërsi të fshatit Koxhaj, ka vrarë me armë zjarri, shtetasin K. S. dhe ka plagosur shtetasin O. T.;
-në vitin 2005, ka vrarë shtetasit V. L. dhe A. A., me lëndë shpërthyese të vendosur në kabinën e një ashensori.
Happening now...
The May 11 elections, a historic opportunity to end the corrupt-criminal Transition!
Nga Namir Lapardhaja
ideas
top
services
- POLICE129
- STREET POLICE126
- AMBULANCE112
- FIREFIGHTER128