Familja Kennedy padit Donald Trumpin, kërkon ndalimin e ndërtimit të harkut gjigant në Uashington: Do të mbulojë varret e tyre me hije

Familja Kennedy ka ngritur një padi kundër presidentit amerikan Donald Trump, me synimin për të penguar ndërtimin e një harku gjigant triumfi në Uashington, i cili sipas tyre do të dëmtojë pamjen dhe simbolikën e memorialit kushtuar familjes në Varrezat Kombëtare të Arlingtonit. Padia, e bërë publike të martën, është nënshkruar nga nëntë anëtarë të familjes Kennedy. Në dokumentet gjyqësore, ata akuzojnë Trumpin se po përpiqet të ndërtojë në mënyrë të paligjshme një monument gjigant, i cili do të hedhë hije mbi varret dhe memorialet kushtuar familjes.

Në Varrezat Kombëtare të Arlingtonit prehen ish-presidenti John F. Kennedy, bashkëshortja e tij Jacqueline dhe dy fëmijët e tyre. Aty ndodhen gjithashtu varret e dy vëllezërve të tij, senatorëve Robert F. Kennedy dhe Edward M. Kennedy, si dhe Ethel Kennedy, bashkëshortja e Robertit. Memoriali i familjes Kennedy, ku ndodhet edhe flaka e përjetshme në kujtim të ish-presidentit, është një nga pikat më të vizituara të varrezave, së bashku me Varrin e Ushtarit të Panjohur. Sipas padisë, ndërtimi i harkut do të pengonte pamjen e varreve të familjes Kennedy dhe të flakës së përjetshme nga Ura Memoriale e Arlingtonit, duke cenuar një element thelbësor të projektimit të memorialit.

Familjarët argumentojnë gjithashtu se, sipas një studimi shkencor, monumenti do të krijonte një hije të përhershme mbi varret e Kennedyve dhe mbi ato të ushtarakëve amerikanë që kanë humbur jetën në shërbim të vendit. Projekti i Trumpit, i prezantuar si “Harku i Triumfit Ushtarak”, synon të nderojë heronjtë amerikanë dhe të shënojë 250-vjetorin e themelimit të Shteteve të Bashkuara. Shtëpia e Bardhë e ka promovuar atë si një simbol të së kaluarës dhe të ardhmes së vendit. Megjithatë, ndërtimi i tij është përballur tashmë me pengesa ligjore. Në fillim të këtij muaji, një gjykatës federal në Uashington vendosi të pezullojë për të paktën dy javë punimet, ndërsa shqyrtohen ankimimet që kundërshtojnë ligjshmërinë e projektit. Ndërtimi ende nuk ka nisur.

Përmasat e mëdha të harkut kanë ngritur gjithashtu shqetësime se ai mund të pengojë pamjen drejt Memorialit të Abraham Lincoln dhe Varrezave Kombëtare të Arlingtonit. Ndërkohë, projekti duket se është një prej nismave simbolike që Trump dëshiron të lërë pas në kryeqytetin amerikan. Në fund të vitit 2025, presidenti vendosi emrin e tij përpara atij të John F. Kennedy në Qendrën Kennedy, institucioni kulturor që mban emrin e ish-presidentit demokrat, i vrarë në vitin 1963. Ky ndryshim u shpall më pas i paligjshëm nga gjykatat. Administrata Trump ka njoftuar gjithashtu mbylljen e përkohshme të Qendrës Kennedy për riparime dhe restaurime, ndërsa ka lënë të hapur mundësinë e shembjes së saj.

Po ndodh...

11:36 POLITIKË

"Thief, you entered the Parliament with the votes of crime"/ Citizen 'ambushes' Sara Miles in front of SPAK

11:34 POLITIKË

"Flamur Noka, an Anatolian ignoramus"/ Balliu: This is the 'gift' Sali Berisha gave to the Democrats

11:29 POLITIKË

Requested permission to participate in the SP Assembly, Balla abandons Veliaj: I have him as a friend, but I will face justice myself

11:16 AKTUALITET

Successive protests in the country! Taxi drivers block the square, demand cost reduction and license restrictions

10:52 AKTUALITET

Maliq HPP/ Protesting residents win, investor withdraws from project that takes water from 5 villages

10:54 POLITIKË

Accusations of buying votes in exchange for economic aid, Sara Mila leaves SPAK: Ordeal of mud-slinging from old politics

10:47 POLITIKË

"I haven't received my economic aid for June, I voted for you"/ Wiretaps from Sara Mila's file at SPAK revealed

10:43 POLITIKË

Sara Mila appeared at SPAK, the journalist: Several local officials in Elbasan were wiretapped, they provided economic aid selectively in the 2025 elections

10:32 BOTA

Suspected of stealing millions of dollars, Vučić's former economy minister arrested in Belgrade

10:22 EKONOMI&SOCIALE

Baby bonus with monthly payments from July 1, 2027, only for families with income up to 180 thousand lekë

09:59 POLITIKË

MP Sara Mile appears in SPAK

09:55 AKTUALITET

Protesters in front of the Prime Minister's Office, police fine 37 citizens

09:36 AKTUALITET

Aksident pranë Tunelit të Krrabës, plagosen nënë e bijë

09:04 BOTA

Kaos në parlamentin izraelit, bashkëshortja e Netanyahut i bërtet ish-kryeministrit Bennett: Turp të kesh, i paturp!

Dua të lexoj më shumë lajme