“Kërcënim për sigurinë”/ Azgan Haklaj denoncon autoritetet maqedonase pasi u ndalua në kufi: Arsyeja është “Marshi i Lirisë” në Shkup, na penguan të marrim pjesë

Aktivisti dhe ish-deputeti Azgan Haklaj ka reaguar pasi u ndalua në pikën kufitare të Bllatës, së bashku me gazetarin e njohur Ferdinand Samarxhi, ndërsa po udhëtonin drejt Maqedonisë së Veriut.

Haklaj tha për Gazeta Shqiptare se autoritetet maqedonase nuk i kanë lejuar të vijojnë udhëtimin, me argumentin e “kërcënimit të sigurisë publike kombëtare”.

Ndalimi vjen në një ditë kur në Shkup pritet të zhvillohet “Marshi i Lirisë”, i planifikuar për orën 14:00. Haklaj e lidh pikërisht me këtë aktivitet vendimin e autoriteteve për të mos i lejuar të hyjnë në territorin e Maqedonisë së Veriut.

Sipas tij, bëhet fjalë për një shqetësim të autoriteteve maqedonase ndaj kësaj lëvizje patriotike të shqiptarëve e cila kërkon vetëm drejtësi për çlirimtarët e Kosovës, ndërsa thekson se pjesëmarrja në aktivitete të tilla nuk përbën kërcënim për sigurinë e vendit.

Haklaj argumenton se “edhe tubimet e mëparshme të shqiptarëve në mbështetje të Ushtrisë Çlirimtare Kombëtare kanë qenë paqësore dhe se pjesëmarrja në një marshim apo aktivitet me karakter patriotik nuk mund të konsiderohet, në vetvete, cenim i sigurisë publike”.

“Na ndaluan së bashku me gazetarin e njohur Ferdinand Samarxhi në doganën e Bllatës. Nuk na lejuan hyrjen në Maqedoninë e Veriut: kërcënim i sigurisë publike kombëtare”, shkruan Haklaj.

Ai tregon dhe arsyen e vërtetë të ndalimit: “Sot është Marshi i Lirisë në Shkup, në orën 14:00 dhe sigurisht kjo është arsyeja!”

Ndërkohë, deri tani, nuk ka një reagim zyrtar të autoriteteve të Maqedonisë së Veriut që të sqarojë konkretisht arsyet e ndalimit të Haklajt dhe Samarxhiut apo bazën ligjore mbi të cilën është marrë vendimi.

Po ndodh...

11:55 AKTUALITET

Kapet sasi e madhe droge në Kakavijë me destinacion Greqinë

11:38 AKTUALITET

Ish-deputeti Azgan Haklaj ndalohet në kufirin e Bllatës, Maqedonia e ka shpallur person non-grata për qëndrimet e tij në çështjet kombëtare

11:31 AKTUALITET

Gjykata e Posaçme lë në fuqi arrestin me burg për Bledar Cafin

10:58 AKTUALITET

Furnizonin me drogë shkollat e Tiranës/ Mes të arrestuarve edhe një ish-efektiv policie

10:17 SPORT

Manaj pas fitores me Bjellorusinë: Duhet të përshtatemi me skemat e reja të Maran

Preç Zogaj 10:07 IDE

Një bravo për Altin Dumanin dhe Bledar Maksutin me shokë

Preç Zogaj

09:57 KOSOVA

Nëntë të arrestuar për krime lufte në Zubin Potok lidhur me rastin e “Grupit të Intelektualëve”

09:47 SHOWBIZ

“Nuk jemi të përputhshëm”, zbulohet arsyeja që dyshohet se i dha fund martesës së Brady dhe Gisele

09:04 EKONOMI&SOCIALE

Pagesat për koncesionet arrijnë në 1 miliard euro, 440 milionë shkuan për kontratat nën hetim

08:55 AKTUALITET

Sot Tiranathlon, rrugët ku kufizohet qarkullimi i mjeteve dhe si do devijohen linjat e autobusëve

08:34 BOTA

“Paga të majme dhe shtetësi ruse”, si po rekruton Rusia bjellorusët për luftën në Ukrainë

08:29 EKONOMI&SOCIALE

Kursi i këmbimit valutor, 27 shtator 2026

08:11 JETË

Horoskopi për ditën e sotme, 27 Shtator 2026

00:00 FJALEKRYQI

Free scheme September 27

Dua të lexoj më shumë lajme