FLASH NEWS
Kush po e drejton ofensivën ndaj establishmentit të korruptuar të tranzicionit?
2023-08-12 09:49:47 / EDITORIAL
a shumë variante që tentojnë të shpjegojnë reagimin e pashpjegueshëm të Ramës në lidhje me kullën Mali i Tiranës, ku për herë të parë ai i doli në mbrojtje fare hapur Shkëlzen Berishës, duke tentuar të hedhë poshtë zërat për blerjen e opozitës.
Disa janë të mendimit se ai u detyrua të dilte nga strofkulla për shkak se çështja e kullês ndezi një debat mbi grabitjen e hapësirave publike nga oligarkë pranë tij dhe kjo i shkakton atij jo pak kosto në opinionin publik dhe për këtë i japin meritë Arlind Qorit.
Disa të tjerë mendojnë që ai doli si garantues i këtij projekti siç në fakt ka bërë gjithmonë sa herë ka akuza për klientelizëm apo zëra për akte të pastra korruptive. Në fakt këtë gjë e ka bërë edhe për inceneratorët .
Të tjerë mendojnë se ai doli për t’i dhënë një mesazh regjisorit të këtij sulmi që sipas tyre është Veliaj , i cili po e bën këtë si kërcënim për Ramën në rast se ky i fundit do tentojë ta djegë atë tek inceneratorët. Pra, këta e shohin si luftë të brendshme në PS dhe ironikisht këtë e bëjnë duke mbështetur tezën e Ramës.
Por, e vërteta është që në reagimin e tij e vetmja gjë e re ishte përpjekja për të hedhur poshtë zërat që e akuzojnë atë se ka “blerë” foltoren e drejtuar nga Sali Berisha ,duke i dhuruar oligarkëve që e financojnë atë miliona dollarë dhe Mali i Tiranës ishte një provë ulëritëse që e provonte këtë të vërtetë.
Dhe kjo për një arsye shumë të thjeshtë : marrëveshja e 2008 menjëherë pas Gërdecit, rrotacioni i shitur i 2013 me kumbar Ilir Metën, afera Mcgonical ku u tentua eliminimi politik i Lul Bashës dhe së fundmi Mali i Tiranës që ekspozon thelbin e problemit të krizës politike shqiptare evidentojnë pikërisht mekanizmin që ka marrë peng demokracinë shqiptare, marrëveshjen Rama-Berisha.
Mekanizëm që u evidentua nga SHBA-të menjëherë pas rrotacionit të shitur të 2013, të cilët në 2014 ideuan reformën në drejtësi si e vetmja mënyrë për të eliminuar pikërisht këtë mekanizëm.
Jo rastësisht Partia Demokratike ( e cila ndërmori të vetmin akt institucional për pengimin e ndërtimit të Malit të korrupsionit dhe ndëshkimin e autorëve) e çoi këtë aferë në SPAK, sepse siç e thamë ndëshkimi i aktorëve kryesorë që qëndrojnë pas kësaj skeme që ka marrë peng dhe ka minuar demokracinë shqiptare është detyra kryesore e drejtësisë.
Kështu tashmë është e qartë që jemi përballë një kundër-skeme të pregatitur nga ideuesit dhe investuesit kryesorë të demokracisë shqiptare që pritet të egzekutohet nga SPAK.
“Inceneratorët” të cilët do hanë “kokat” e Ramës në mazhorancë dhe “Mali i Tiranës” që do të hajë “pa nder” edhe kokën e Ramës në opozitë prej 2008.
Happening now...
83 mandates are not immunity for Rama's friends
Nga Gentian Gaba
ideas
"Preliminary sentence for Belinda Balluku", response to Baton Haxhiu
Nga Blendi Kajsiu
Teatri që fsheh prapaskenën
Nga Patrik Sadikaj
Berisha's red line and the black line of democracy in the DP
Besmir Semanaj
top
Alfa recipes
TRENDING 
services
- POLICE129
- STREET POLICE126
- AMBULANCE112
- FIREFIGHTER128