FLASH NEWS
Hansi Flik tremb Realin, strategu i pathyer i finaleve gati për të radhës te Barcelona
2025-04-25 12:38:02 / SPORT
Hansi Flik nuk është vetëm një emër i respektuar në futbollin gjerman, në historinë e Bajernit dhe tani te Barcelona, por edhe një figurë e aftë për të menaxhuar me sukses ndeshjet vendimtare (finalet). Me një profil larg zjarrit dhe një sjellje të qartë dhe të qetë, trajneri aktual i Barcelonës përballet me finalen e tij të shtatë nga stoli këtë të shtunë në Sevilje kundër Realit të Madridit.
Deri më tani, ai ka arritur atë që shumë pak trajnerë mund të mburren: ai ka fituar çdo finale që ka drejtuar si trajner. Me Barçën, ai fitoi të vetmen finale që ka luajtur deri më tani. Ishte ajo në Superkupën e Spanjës, e luajtur më 12 janar 2025, në të cilën ata mundën Realin e Madridit 2-5 në Arabinë Saudite. Rezultati mund të sugjerojë ndryshe, por nuk ishte një ndeshje e qetë, as nga fusha e as nga stoli, pasi Barça duhej të luante me një lojtar më pak nga minuta e 56-të për shkak të përjashtimit të Sheznit.
Një administrim i mirë i gjermanit. Seria e fitoreve të Hansi Flik në finale u hap në vitin 2020 falë finales së Kupës së Gjermanisë. Bajerni i Mynihut mundi Leverkusenin (4-2) në një ndeshje të luajtur në “Olimpik” të Berlinit. Më 23 gusht 2020, në “Stadio Da Luz” në Lisbonë (Portugali), Bajerni i Flikut siguroi titullin më të lakmuar, Ligën e Kampionëve, në një kompeticion të luajtur në mes të Pandemisë. Në finalen e madhe, bavarezët e drejtuar nga trajneri gjerman mundën PSG-në e Mbapesë dhe Nejmarit, falë golit të Kingsli Koman (min. 59).
Ishte Champions-i i gjashtë për skuadrën nga Mynihu. Një histori futbolli me protagonist trajnerin aktual të Barçës. Finalja e tretë e fituar me Bajernin ishte Superkupa e Europës, e luajtur në “Puskas Arena” të Budapestit (Hungari), më 24 shtator 2020. Kundërshtari ishte Sevilja e Julen Lopeteguit, një finale e cila u vendos në kohën shtesë me bavarezët, që fituan 2-1 falë golit të Havi Martinez në minutën e 104-t. Borusia e Dortmundit ishte kundërshtari i Bajernit në finalen e Superkupës së Gjermanisë 2020, e cila u luajt në “Allianz Arena” të Mynihut më 30 shtator.
Toliso dhe Myler kaluan ekipin vendas në avantazh 2-0, por Brandt dhe Haland barazuan për verdhezinjtë. Joshua Kimish shënoi golin e fitores për Bajernin në minutën e 82-të. Ishte fitorja e katërt e Flik në stol në katër finale. Titulli i pestë ishte Kupa e Botës për Klube, e cila u luajt më 11 shkurt 2021 në “Al Rayyan”, Arabia Saudite. Skuadra e Flik fitoi 1-0 kundër Tigres të Meksikës, falë golit të Benxhamin Pavard në minutën e 59-të. Përveç gjashtë titujve në gjashtë finale, trajneri nga Haidelberg ishte ndihmësi i Joakim Lëv në finalen e Kupës së Botës 2014, ku Gjermania mundi Argjentinën në “Maracanã” me një gol të Mario Gëce në kohën shtesë (1-0). Flik është garanci suksesi dhe menaxhimi në duelet që shënojnë sezonin.
Happening now...
83 mandates are not immunity for Rama's friends
Nga Gentian Gaba
ideas
"Preliminary sentence for Belinda Balluku", response to Baton Haxhiu
Nga Blendi Kajsiu
Teatri që fsheh prapaskenën
Nga Patrik Sadikaj
Berisha's red line and the black line of democracy in the DP
Besmir Semanaj
top
Alfa recipes
TRENDING 
services
- POLICE129
- STREET POLICE126
- AMBULANCE112
- FIREFIGHTER128