Lajme flash
Goditet banda famëkeqe shqiptare që frymëzoi serialin “Marbella”/ 15 të arrestuar dhe mbi 2.7 ton kokainë të sekuestruara, trafikonte tonelata me drogë drejt Europës
17 September 2026, 19:22 / AKTUALITET
Organizata kriminale që frymëzoi serialin ‘Marbella’ e kishte kthyer Katalonjën në një prej enklavave të saj logjistike për të ruajtur sasi të mëdha kokaine përpara se të shpërndaheshin në vendet e tjera evropiane
Nga Miriam Saint-Germain, CRONICA GLOBAL
Policia Kombëtare spanjolle ka shkatërruar një organizatë kriminale me origjinë shqiptare, e cila vepronte kryesisht në Costa del Sol dhe përdorte Katalonjën si një nga bazat e saj logjistike për magazinimin e sasive të mëdha të kokainës.
Operacioni ka çuar në 15 arrestime dhe në sekuestrimin e më shumë se 2.7 tonë kokainë, ndërsa autoritetet kanë konfiskuar gjithashtu rreth 800 gramë tusi, dy armë zjarri dhe 29 automjete të nivelit të lartë.
? Desarticulada una organización criminal dedicada a la importación y exportación de #cocaína a otros países europeos
— Policía Nacional (@policia) September 17, 2026
➡️ 15 personas detenidas
??♂️ Intervenidos más de 2.700 k. de cocaína, 800 gramos de #tusi, 2 #armas de fuego cortas y 29 ? de alta gama
?Parte del… pic.twitter.com/luqkw4jKNa
Një vilë luksoze në Sant Just Desvern
Sipas hetuesve, organizata kishte bazën kryesore në Costa del Sol, por përdorte Katalonjën për të ruajtur përkohësisht ngarkesat e drogës përpara se ato të dërgoheshin drejt vendeve të tjera evropiane.
Në një vilë në Sant Just Desvern, pranë Barcelonës, policia gjeti 1.351 kilogramë kokainë të fshehura në garazh. Prona merrej me qira vetëm për periudha të shkurtra, madje në disa raste për vetëm një fundjavë, në mënyrë që të vështirësohej zbulimi i aktivitetit.
Pozicioni i Katalonjës pranë kufirit me Francën e bënte këtë territor një pikë të rëndësishme për transportin e drogës drejt vendeve të tjera të Evropës.
Transporti me makina luksoze
Hetuesit kanë zbuluar se grupi kishte krijuar një strukturë të lidhur me tregtinë e automjeteve dhe dispononte një flotë makinash të fuqishme dhe luksoze, të përdorura për transportin e drogës.
Anëtarët e organizatës merrnin masa të forta kundër survejimit. Sipas policisë, disa prej tyre kanë përshkuar më shumë se 2.000 kilometra brenda një dite, në kolona me deri në pesë automjete.
Në disa raste, automjetet kanë lëvizur me shpejtësi mbi 200 kilometra në orë.
Droga, sipas hetuesve, vinte nga Kolumbia dhe fillimisht kalonte përmes zonës së Campo de Gibraltar. Më pas dërgohej drejt pikave të magazinimit në Spanjë, përpara se të transportohej më tej në Evropë.
15 të arrestuar, 12 në burg
Operacioni nisi pas hetimeve që kishin filluar në vitin 2025 dhe u zhvillua në disa faza. Më 10 prill, policia kreu kontrolle në Málaga, Estepona, Marbella dhe Churriana, ku sekuestroi 1.434 kilogramë kokainë, 800 gramë tusi, dy armë zjarri dhe automjete.
Në të njëjtën kohë u kontrollua vila në Sant Just Desvern, ku u gjetën 1.351 kilogramët e kokainës.
Hetimet vazhduan gjatë muajve pasues me arrestime në Alicante, Málaga dhe Barcelona, si dhe me kërkimin e personave që ishin larguar nga Spanja.
Në total janë arrestuar 15 persona, ndërsa 12 prej tyre janë dërguar në paraburgim, sipas raportimeve të mediave spanjolle.
Policia ka sekuestruar gjithashtu para cash, bizhuteri, orë luksoze, kriptoaktive dhe pasuri të tjera që dyshohet se lidhen me aktivitetin e organizatës.
Autoritetet spanjolle e konsiderojnë grupin një strukturë të rrezikshme dhe të organizuar, me lidhje familjare mes disa prej anëtarëve dhe përdorim të personave të tjerë si emra formalë për marrjen me qira të pronave dhe automjeteve.
Operacioni ka goditur një rrjet që, sipas hetuesve, ishte i specializuar jo vetëm në ruajtjen e drogës, por edhe në transportin e saj në distanca të gjata dhe në shpërndarjen drejt tregjeve të tjera evropiane.
Autoritetet spanjolle kanë deklaruar se Katalonja nuk duhet të shërbejë si strehë për krimin e organizuar.
Po ndodh...
ide
Tri krizat dhe tri zgjidhjet
Nga Përparim Gjeka
Pafajësi për çlirimtarët, që të mos gjykohet historia!
Nga Azgan Haklaj
top
TRENDING 
shërbime
- POLICIA129
- POLICIA RRUGORE126
- URGJENCA112
- ZJARRFIKESJA128