Vetmia na plak më shumë apo pirja e duhanit? Ja çfarë thotë studimi

27 Shtator 2022, 13:05 / JETË ALFA PRESS


Një studim i ri ka treguar se të qënurit të vetmuar përpos dëmit psikologjik mund të ndikojë dhe në shëndetin fizik, duke përshpejtuar procesin e plakjes. Studiuesit kinez zbuluan se vetmia rrit moshën biologjike të njerëzve më shumë sesa pirja e duhanit.

Eksperimenti i studiuesve “ora e plakjes” duke testuar gjakun dhe të dhënat biometrike nga 12,000 të rritur kinezë i la të befasuar kur panë se sa ndikim mund të kenë faktorët psikologjikë në plakje, krahasuar me faktorët fizikë siç është zakoni i pirjes së duhanit.

Ora përcaktoi se pirja e duhanit shtoi rreth 1.25 vite ndërsa ndjenja e vetmisë mund të shtojë 1.65 vite. Por nuk ishte ndjenja e vetme që kontribuoi në përshpejtimin e plakjes, por një grup i tërë psikologjik që përfshinte gjithashtu frikën, dëshpërimin, depresionin, pakënaqësinë dhe gjumin e dobët.



Po ndodh...