Lajme flash
Foto/ Justin Trudeau vizitë surprizë në Ukrainë, takim me presidentin Zelensky për të konfirmuar mbështetjen
8 Maj 2022, 17:16 / KOSOVA
Kryeministri kanadez Justin Trudeau ka vizituar Irpin në rajonin e Kievit, ka bërë të ditur kryebashkiaku i qytetit, Oleksandr Markushyn në Facebook.
“Sapo pata nderin të flisja me kryeministrin e Kanadasë, Justin Trudeau. Ai erdhi në Irpin për të parë me sytë e tij gjithë tmerrin që pushtuesit rusë i kanë bërë qytetit tonë. Dhe, natyrisht, ai u trondit. Ai pa që ato që ishin djegur dhe shkatërruar plotësisht nuk ishin objekte ushtarake, por shtëpitë e banorëve të Irpin, të cilët deri vonë e shijonin jetën dhe kishin planet e tyre për të ardhmen”, tha Markushyn.
Ai falënderoi Trudeau për mbështetjen e Kanadasë për Ukrainën. Markushyn gjithashtu vuri në dukje se ai beson në bashkëpunimin e mëtejshëm midis dy vendeve në rindërtimin e qyteteve të Ukrainës pas fitores.
"Shpresoj për mbështetjen e Justin Trudeau në organizimin e përpjekjeve të diasporës ukrainase në Kanada për të rindërtuar objektet e infrastrukturës në Irpin. Irpin do të dërgojë letrat zyrtare përkatëse në të ardhmen e afërt", shtoi Markushyn.
Justin Trudeau do të takohet gjithashtu me presidentin ukrainas Volodymyr Zelensky, sipas sekretarit të shtypit të administratës Trudeau, Cecely Roy.
"Kryeministri është në Ukrainë për t'u takuar me Presidentin Zelenskyy dhe për të riafirmuar mbështetjen e palëkundur të Kanadasë për popullin ukrainas", i tha Roy CNN në një email të dielën në mëngjes.
Koha dhe vendndodhja e vizitës dhe takimit nuk u vu në dispozicion.
Po ndodh...
83 mandatet nuk janë imunitet për shokët dhe shoqet e Ramës
Nga Gentian Gaba
ide
top
TRENDING 
shërbime
- POLICIA129
- POLICIA RRUGORE126
- URGJENCA112
- ZJARRFIKESJA128