Frymëzohen nga Tirana/ Mijëra serbë protestë kundër Vuçiç: Nuk mjafton dorëheqja, ndryshim sistemi

Mijëra protestues u mblodhën në Kraljevo të Serbisë të dielën, një ditë pasi Presidenti Aleksandër Vuçiç tha se do të jepte dorëheqjen, duke i hapur rrugën zgjedhjeve të parakohshme presidenciale dhe parlamentare.

 

Por ndryshe nga protestat e mëparshme dhe pas zhvillimeve në Tiranë me protesta të mëdha anti-sistem, protestuesit serb në protestën e së dielës ishin skeptikë ndaj njoftimit të Vuçiçit dhe tashmë kërkojnë më shumë se thjesht dorëheqja. P⁶rfaqësues të Protestës deklaruan se ishte një “lojë” dhe se Vuçiç do të qëndronte në pushtet, ndërsa të tjerë thanë se ndryshimi nuk do të vinte nëse i gjithë sistemi politik dhe zgjedhor në Serbi, nuk do të riorganizohej sipas një demokracie funksionale dhe një Shteti ligjor. Ky agravim i kërkesave të protestave rreth një vjeçare në vendin ballkanik që drejtohet në mënyrë autokratike nga "vëllau" i ngjashëm i Edi Ramës, duket se vjen i frymëzuar nga kërkesat e oanegociueshme të protestuesve në Shqipëri të cilët nuk mjaftohen vetëm me dorëheqjen e kryeministrit, por kërkijnë edhe një qeveri teknike e cila do të përgatisë reforma të mëdha kushtetuese dhe zgjedhore.

Vuçiç, i cili ka qenë në pushtet si kryeministër ose president për 12 vjet, është përballur me muaj të tërë protestash të udhëhequra nga studentët, të shkaktuara nga shembja e një tendë betoni në një stacion hekurudhor në qytetin verior të Novi Sadit në fund të vitit 2024, ku humbën jetën 16 persona.