Lajme flash
Berisha sulm të hapur kundër Drejtësisë së re dhe ndërkombëtarëve që e mbrojnë: Kriminelë, laro, qënie të shpifura!
26 Shkurt 2024, 19:58 / POLITIKË
Nuk dihet ende arsyeja e vërtetë, por kreu i Rithemelimit dhe shefi i deputetëve "të bashkuar", Sali Berisha, këtë të hënë ka mbajtur një nga fjalimet më të egra kundër gjithë drejtësisë sé re në bllok dhe kundër kujtdo faktor që e mbështet atë. Gjatë fjalës së mbajtur në tubimin poshtë shtëpisë së tij, ai ka sulmuar edhe mediet dhe ndërkombëtarët që e mbrojnë drejtësinë, duke lëshuar epitete si mafia, laro, kriminelë, etj.
Berish u bëri thirrje mbështetësve të tij që, "kurrë nuk duhet ta lavdërojmë këtë Drejtësi, vetëm pse e lavdërojnë të huajt‘.
Pjesë nga fjala e Sali Berisha:
Miq, ju duhet të jeni të vetëdijshëm për rëndësinë e jashtëzakonshme të parlamentit tuaj këtu.
I tmerruar nga ky parlament, Edi Rama ka urdhëruar të gjitha ekranet të mbyllen për ju sepse ka tmerr nga fjala juaj, sepse ka tmerr nga kjo dritare, sepse ka tmerr nga prozhektorët e dritës që përhapen në të katër anët e vendit.
Por sa më e egër, sa më e turpshme censura e imponuar, aq më e shëmtuar, aq më e errët del para shqiptarëve fytyra e këtij regjimi, aq më e pashpresë bëhet e ardhmja e tij.
Miqtë e mi, Edi Rama me makinerinë e tij propagandistike nga mëngjesi gjer në darkë, sulmon Shqipërinë pa opozitë.
Ngre në qiell narkoshtetin e tij. Larot e Edi Ramës në media, nga mëngjesi gjer në darkë vjellin vrer kundër jush, kundër opozitës, të lemerisur se paratë e krimit do u dalin për hundësh.
Të lemerisur se vjedhjet me firmat e Edi Ramës do u kthehen në vite dënimi. Të lemerisur se do jenë përgjegjës para ligjit.
Miqtë e mi, në vitin 1951, gjykatës, prokurorë famëzi, firmosën pas pushkatimit dhe vendimit të Byrosë Politike, për ekzekutimin e martirëve, intelektualëve martirë.
Mendoni ju se kishin ndonjë dallim ata nga Dumanët, nga anëtarët e organizatës kriminale të Skapit të partisë, nga Manekët?
Asnjë miqtë e mi!
Dy janë qëllimet e tyre kryesore. Të mbrojnë narkoshtetin, Edi Ramën dhe organizatën e tij kriminale qeverinë nga vjedhjet e kryera, krimet e shëmtuara, aktet antiligjore dhe antikushtetuese dhe të pasurohen për vete, të shtojnë si shushunja pasuritë e tyre në kurriz të ligjit, të të drejtave, të Kushtetutës.
Drejtësia e re është kopja e shëmtuar e drejtësisë së vjetër të diktaturës. Është drejtësia e mercenarëve që s’kanë ligj as moral ligjor.
Ata që mbrojnë drejtësinë e re, ata mbrojnë krimet e Edi Ramës.
Ata që u servirin shqiptarëve drejtësinë e re, u servirin mburojën e korrupsionit si drejtësi.
U servirin mercenarët, bandat kriminale në drejtësi, që luftojnë kundër opozitës dhe qytetarëve.
Çfarë ligji respektojnë këta banditë? Ka një vendim të Gjykatës Kushtetuese për Teatrin. Zonja antikushtetuese del dhe merret me Olta Xhaçkën për luftë të brendshme në PD.
Nuk përmend vendimin.
Çfarë ligji mbrojnë këta kur pas një viti shkelmojnë, pështyjnë mbi fytyrën e tyre, vendimin që kanë marrë një vit më parë, siç është rasti i gazetarit Elton Qyno për burimet e informacionit.
A ka qenie më të shpifura se këta? A mund të pranohen këta, të cilët një vit më parë kanë vendosur në përputhje me Kushtetutën, se gazetarit nuk mund t’i kërkohen burimet dhe pas një viti kanë përligjur marrjen peng të gazetarit dhe i kërkojnë të dorëzojë burimet.
Çfarë janë këta mor? Cila është kjo drejtësi mor? Ky është varianti më i shëmtuar, ky është armiku juaj mor zotëri.
Po pse e lavdërojnë të huajt, duhet ta lavdërojnë shqiptarët?
Kurrë, kurrë, kurrë!
Ata që lavdërojnë këtë drejtësi, mbrojnë korrupsionin e tyre.
Ata që lavdërojnë këtë drejtësi, mbrojnë korrupsionin e tyre.
Ata që lavdërojnë këtë drejtësi, mbrojnë korrupsionin e tyre.
Po ndodh...
Paparashikueshmëria, prova e pavarësisë së drejtësisë
Nga Blendi Kajsiu
ide
top
receta Alfa
TRENDING 
shërbime
- POLICIA129
- POLICIA RRUGORE126
- URGJENCA112
- ZJARRFIKESJA128