Nuk na duhet një marrëveshje PS-PD, na duhet demokracia!

Ajo që po bëhet në emër të reformimit të ligjit zgjedhor nuk është Reformë Zgjedhore. Është thjesht një përpjekje për të arritur marrëveshjen e radhës për të bojatisur ligjin ekzistues.

Në kushtet kur hetimet e prokurorisë kanë treguar se qeveria përdor çdo aset financiar në shërbim të riciklimit të pushtetit: punësimet fiktive, ndihmën ekonomike për të varfrit dhe lejet për kulla për të pasurit; në kushtet kur shteti përdoret në shërbim të pushtetit dhe krimi nuk është më thjesht donator, por ka përfaqësuesit e tij në Kuvend dhe në institucione, rrotacioni politik është bërë gati i pamundur.

Ligji zgjedhor është një nga kontribuesit e rëndësishëm të kësaj gjendjeje, ndërsa vendi vazhdon të mbetet një «demokraci hibride».
Shumë njerëz kanë dalë në rrugë. Por, përtej axhendës së këtij aksioni politik qytetar dhe përpjekjeve të partive opozitare për më shumë protagonizëm, mendoj se duhet të frenojmë një Reformë Zgjedhore të bërë «shkel e shko».

Në përpjekje për të dhënë një kontribut modest, ftoj mbështetjen për një «akt politik», që synon bashkimin e mendimit qytetar dhe intelektual.

Pavarësisht nëse socialistët do të qeverisin deri në fund të mandatit apo jo, pavarësisht nëse do të ketë apo jo një qeveri tranzitore, pushteti, sot e përgjithmonë, duhet të përcaktohet nga vota.

Ndaj, ftoj këdo të bashkohet me këtë «akt politik»:
1. Të ndalohet miratimi me urgjencë i Reformës Zgjedhore, qoftë në mënyrë të njëanshme, qoftë përmes një konsensusi PS-PD.
2. Të bëhen rregullimet e nevojshme për zgjedhjet vendore, ndërsa puna për Reformën e vërtetë Zgjedhore të vijojë, duke përfshirë edhe aktorë jashtëparlamentarë.
3. Reforma Zgjedhore të nisë duke zhbërë reformën e vitit 2008, duke rishikuar sistemin zgjedhor, pragun elektoral, kufizimin e numrit të mandateve etj.
4. Të implementohen plotësisht rekomandimet e OSBE/ODIHR-it për zgjedhjet e vitit 2025.
5. Të miratohet, paralelisht, si pjesë e ligjit zgjedhor apo si një ligj më vete, «Ligji për Partitë Politike», për të garantuar demokracinë e brendshme dhe transparencën e financimit të tyre.
6. Të sanksionohet krijimi i një «qeverie tranzitore» katërmujore, përpara zgjedhjeve të përgjithshme, me detyrën e administrimit të procesit zgjedhor, derisa Shqipëria të dalë nga harta e «demokracive hibride» dhe të arrijmë të zhvillojmë zgjedhje të besueshme.
Përfaqësuesit ndërkombëtarë duhet të investohen seriozisht në këtë drejtim, pa qenë nevoja të përsërisin shprehjen: «Jeni në rrugën e duhur drejt integrimit».

Ne duhet të gjejmë më parë rrugën që na çon drejt demokracisë funksionale.

Po ndodh...

10:24 POLITIKË

NATO i thotë “JO” Tiranës! Rama njoftoi anulimin e samitit nga Dublini, Reuters zbulon arsyet

10:07 AKTUALITET

U arrestua për tjetërsim pronash, drejtori i spitalit të Fierit transportohet me urgjencë në spital

10:06 EKONOMI&SOCIALE

Çim Beshiri themelon kompaninë që do të ndërtojë përbindëshin 65 kate tek Pallati i Kongreseve

09:47 AKTUALITET

Dyshohet se furnizonte sportistët me substanca dopingu, arrestohet vëllai i Pirro Dhimës në Greqi

09:41 MISTERE&KURIOZITETE

Çfarë dimë për rënien globale të Microsoftit? Miliona përdorues pa Outlook, Teams dhe Copilot

09:22 EKONOMI&SOCIALE

Përdorimi i drogës problem serioz për 79% të shqiptarëve

09:10 AKTUALITET

Ndryshon qarkullimi në hyrje të Tiranës, nisin punimet nga sheshi “Shqiponja” deri te nënkalimi i Limuthit

08:56 KOSOVA

Kuvendi i Kosovës përballë votimit për Ligjin e Speciales, duhen 61 vota për miratimin e tij

08:31 BOTA

354 të arrestuar në operacionin ndërkombëtar kundër Dark Web-it, sekuestrohen tonelata drogë dhe 152 armë zjarri

08:23 EKONOMI&SOCIALE

Këmbimi valutor sot më 13 nëntor, me sa blihen e shiten euro e dollari

08:19 BOTA

Ndërprerje globale e Microsoft, probleme me Outlook dhe Teams në disa vende të botës

08:07 EKONOMI&SOCIALE

Çmimet e ushqimeve në Tiranë, deri në 50% më të shtrenjta se në rajon, rekord bulmeti

08:00 JETË

Horoskopi ditor, e premte 13 nëntor 2026

07:57 AKTUALITET

Parashikimi i motit 13 Nëntor/ Rebeshe shiu dhe rrufe në disa zona të vendit

Dua të lexoj më shumë lajme